Kuhuhumuna
Nge vanakutuhuhumuna
Mwomwo ika twasakiwila kuhuhumuna chamuMbimbiliya?
Ji 32:8; Vis 15:22; 19:20; 20:18
Talenu nawa Vis 11:14; Isa 28:29; Yel 32:19
Mwomwo ika chapwila chamangana kwivwilila kuvyuma navatuhuhumuna muchishishisa chakulihakwila havyuma tunalimbenje?
Talenu nawa Vis 1:23-31; 15:31
Mijimbu yamuMbimbiliya yize nayimikafwa:
1Sa 15:3, 9-23—Omu kapolofweto Samwele olwele mwangana Saulu, ou mwangana alihakwililile nakukana vyuma vamuhuhumwine. Ngocho vamukanyine kuli Yehova
2Mi 25:14-16, 27—Mwangana Amajiya alingile shili kaha akanyine vyuma vamuhuhumwine kuli kapolofweto. Echi chamulingishile vahone kumuvwila uselewa kuli Yehova nakuhona kupwa wakukingiwa
Mwomwo ika twatela kuvumbikila tulama vaze veji kutwololanga?
1Te 5:12; 1Ch 5:17; Hep 13:7, 17
Mijimbu yamuMbimbiliya yize nayimikafwa:
3Yo 9, 10—Kaposetolo Yowano uze apwile kashinakaji, ahuhumwine Ndeyotelefwe hakuhona kuvumbika vaze vapwile nakutwaminyina muchikungulwilo chavaka-Kulishitu
Mwomwo ika twatela kwivwilila vakulwane?
Talenu nawa Yop 12:12; 32:7; Cht 2:3-5
Mijimbu yamuMbimbiliya yize nayimikafwa:
1Sa 23:16-18—Mwangana Ndavichi evwililile kuvyuma vamuhuhumwine kuli Yonatane uze apwile namyaka yakusemuka 30 kuhambakana ikiye
1My 12:1-17—Mwangana Lehovowame akanyine vyuma vamulwezele vakulwane vamalunga nakwivwilila kuvyuma vyavipi vamulwezele vakwavo vakweze kahechi chamunehelelele ukalu
Vyuma muka vyasolola nge mapwevo vakushishika navangamba jaKalunga vavakweze vanahase kuhuhumuna kanawa vakwavo?
Yop 32:6, 9, 10; Vis 31:1, 10, 26; Kwa 4:13
Talenu nawa Ji 119:100
Mijimbu yamuMbimbiliya yize nayimikafwa:
1Sa 25:14-35—Avingayile akafwile kanawa Mwangana Ndavichi, kahechi chayowele myono yavatu vavavulu nakukinga Ndavichi kumulonga wakumwanga manyinga
2Sa 20:15-22—Pwevo wakuzangama uze atwaminenga munganda yaAvele, ayowele vatu munganda yosena mwomwo vevwililile kuvyuma avahuhumwine
2My 5:1-14—Kanyike wapwevo wakaIsalele alwezele liswalale wangolo jila vanahase kukilamo kaka yenyi kumusongo wambumba
Mwomwo ika twatela kulihenda kukwivwilila kuvyuma navatulweza kulinga vatu vaze kavavumbika Yehova chipwe Mazu enyiko?
Talenu nawa Luk 6:39
Mijimbu yamuMbimbiliya yize nayimikafwa:
1Mi 10:13, 14—Mwangana Saulu ehwile muka-kutahisa vashipilitu mukutela kwihula Yehova. Ngocho afwile mwomwo yakuhona kupwa wakushishika
2Mi 22:2-5, 9—Mwangana Ahajiya asakwile kwivwilila kuli vaka-kumulweza mangana vavilinga vyavipi, ngocho afwile
Yop 21:7, 14-16—Yopa kevwililile vishinganyeka vyavatu vaze kavavumbikile Yehovako
Kuhanjikila
Mwomwo ika chapwila chachilemu kwivwilila nakuwana mashina namasongo, nakwivwilila kujisali jivali shimbu kanda tuhanjikile vakwetu?
Talenu nawa Vis 25:8
Mijimbu yamuMbimbiliya yize nayimikafwa:
1Sa 1:9-16—Kapilishitu Wakulitulaho Eli ahanjikililile Hana mujila yayipi shimbu kanda awane mashina namasongo, hakushinganyeka ngwenyi ou pwevo wakushishika apendele
Mat 16:21-23—Kaposetolo Petulu ahanjikilile Yesu hakumulweza mazu aze nawevwisa Satana kuwaha, nakwivwisa Yehova kupihya
Mwomwo ika twatela kuvangila kulomba kuli Yehova shimbu kanda tuhanjikile vakwetu?
Ji 32:8; 73:23, 24; Vis 3:5, 6
Mijimbu yamuMbimbiliya yize nayimikafwa:
Klo 3:13-18—Kapolofweto Mose ahulishile Yehova amulweze jila yamwaza atela kukumbulwilamo vihula navamuhulisa vakwavo vaIsalele
1My 3:5-12—Mwangana wamukweze Solomone kalifwelelele iveneko, oloze alombele Yehova amuhane mangana, kaha Yehova amukiswile hachuma kana
Mwomwo ika lwola lwosena twatela kupendaminanga haMazu aKalunga nge tunakuhuhumuna vakwetu?
Ji 119:24, 105; Vis 19:21; 2Ch 3:16, 17
Talenu nawa Lus 17:18-20
Mijimbu yamuMbimbiliya yize nayimikafwa:
Mat 4:1-11—Yesu enyikilile kuMazu aKalunga hakukumbulula kuvyeseko vyaSatana, kakumbulwile kweseka namwaya vishinganyeka vyenyiko
Yow 12:49, 50—Yesu alumbunwine ngwenyi vyuma anangwilenga vyazaminenga havyuma vamunangwile kuli Ise, ngocho atusela chakutalilaho chamwaza
Mwomwo ika twatela kuzata nangolo tupwenganga vavavwovu hakuhanjikila vakwetu nakufwila kuvasangejekanga shimbu kanda tuvahanjikile kachi nge chinahase?
Talenu nawa Isa 9:6; 42:1-3; Mat 11:28, 29
Mijimbu yamuMbimbiliya yize nayimikafwa:
2Mi 19:2, 3—Yehova olwele Mwangana Yehoshafwate kuhichila muli kapolofweto kenyi, chipwe ngocho, amusangejekele havyuma vyamwaza alingile
Kus 2:1-4, 8, 9, 12-14, 18-20—Yesu asangejekele vikungulwilo vyavivulu shimbu kanda avihuhumune
Kachi nge muka-Kulishitu mweza kuli yetu nakuyayavala nakutulweza ngwenyi mukwavo muka-Kulishitu namulingi mwamupi, chakutalilaho nge namulila hamutwe, chipwe nge namuvangijikila, mwomwo ika nachipwila chamwaza kumulweza ayenga nakushimutwila chihande kana kupenge namukwavo uze namulingi mwamupi?
Talenu nawa Lev 19:17
Tunahase kukolezeza ngachilihi muka-Kulishitu uze ali nakulivwa nge vanamulingi mwamupi apwenga namuchima wakutetela, nawakutalilila chikoki, nawakukonekela?
Mat 18:21, 22; Mak 11:25; Luk 6:36; Efw 4:32; Kol 3:13
Talenu nawa Mat 6:14; 1Ko 6:1-8; 1Pe 3:8, 9
Mijimbu yamuMbimbiliya yize nayimikafwa:
Mat 18:23-35—Yesu azachishile chifwanyisa chamwaza hakulumbununa ovyo chapwila chachilemu etu kupwa namuchima wakukonekela
Mwomwo ika twatela kupwa vakuhamuka hakuhakwila jishimbi jaYehova jakwoloka omu natuhanjikilanga vakwetu?
Ji 141:5; Vis 17:10; 2Ko 7:8-11
Mijimbu yamuMbimbiliya yize nayimikafwa:
1Sa 15:23-29—Kapolofweto Samwele kevwile woma Mwangana Sauluko
1My 22:19-28—Kapolofweto Mikaya kalumwine mujimbu wakuhuhumuna Mwangana Ahave, chamokomoko nakumwivwisa woma nakumulinga mwamupiko
Munahase kuhuhumuna ngachilihi mutu chakuzeneka kumuzeyesa kushipilitu?
Mijimbu yamuMbimbiliya yize nayimikafwa:
Luk 22:31-34—Yesu afwelelelele ngwenyi kaposetolo Petulu nahase kukolezeza vakwavo, numba tuhu ikiye alimbenjelenga
Flm 21—Kaposetolo Paulu afwelelele ngwenyi Fwilemone mwakula kanawa kuvyuma vamuhuhumwine
Tunahase kusolola ngachilihi likoji hakuhanjikila vakwetu vaze vanahokoka michima chipwe vaze vanahombo?
Tunahase kusolola ngachilihi ngwetu tuli nakufwila kukafwa vatu vaze vanalimbenje?
Tunahase kusolola ngachilihi ngwetu twavumbika vatu vaze natuhanjikila, chamokomoko namyaka yakusemuka chipwe kupwa lunga chipwe pwevo?
Mwomwo ika tufunga veji kupwilanga vakuhamuka kachi nge vanakuhanjikila mutu uze nakanenga kuhuhumuna chamuVisoneka mapapa kakavulu?