Kukolezeza
Mwomwo ika chapwila chachilemu vangamba jaKalunga kulikolezeza umwe namukwavo?
Isa 35:3, 4; Kol 3:16; 1Te 5:11; Hep 3:13
Mijimbu yamuMbimbiliya yize nayimikafwa:
2Mi 32:2-8—Mwangana Hezekiya akolezezele vatu jenyi omu vapwile nakuvevwisa woma
Nda 10:2, 8-11, 18, 19—Kangelo akolezezele nakujikijisa kapolofweto Ndanyele uze ashinakajiwile nakuzeya
Vyuma muka vatela kulinga vaze vakwechi wata kutalisa kukukolezeza?
Talenu nawa Mat 11:28-30
Mijimbu yamuMbimbiliya yize nayimikafwa:
Lus 3:28; 31:7, 8—Kapolofweto Mose akolezezele Yoshuwa uze amuswanyine nakumujikijisa, ngana muze Yehova amulwezele kulinga
Vil 11:22-26; 14:22—Kaposetolo Paulu naMbalanape vakolezezele vaka-Kulishitu muAndeyoka halwola vapwile nakumona luyanjisa
Mwomwo ika kusangejeka vakwetu chapwila hijila yimwe yamwaza yakuvakolezezelamo?
Mijimbu yamuMbimbiliya yize nayimikafwa:
Kuy 11:37-40—Vana vamapwevo muIsalele vayilenga kuli mwanaYefweta wapwevo mwaka himwaka nakumusangejeka hakulisuula kuya nakuzachila Yehova kutavanaku
Kus 2:1-4—Numba tuhu Yesu asakile kaha kukolezeza vaka-Kulishitu muEfwesu, oloze avalwezele nawa mazu akuvasangejeka ngwenyi vapwile nakulinga kanawa
Uno vangamba jaYehova vakushishika vanahase kulikolezeza ngachilihi?
Vis 15:23; Efw 4:29; Fwi 1:13, 14; Kol 4:6; 1Te 5:14
Talenu nawa 2Ko 7:13, 15, 16
Mijimbu yamuMbimbiliya yize nayimikafwa:
1Sa 23:16-18—Yonatane atondeletondele sepa lyenyi Ndavichi mangana amukolezeze mulwola lwaukalu
Yow 16:33—Yesu akolezezele vaka-kumukavangiza kuhichila muvyuma alingilenga nakuvafwelelesa ngwenyi navakiko vanahase kulinga mwomumwe
Vil 28:14-16—Omu kaposetolo Paulu apwile nakuya kuLoma, amwene vandumbwenyi vakushishika vaze vejile nakumusesa nakumukolezeza, ngocho akwachile ngolo
Mwomwo ika chapwila chachilemu kulihendela kukuhona kavumbi nakumuchima wakuyayavala?
Mijimbu yamuMbimbiliya yize nayimikafwa:
Kla 11:10-15—Kapolofweto Mose ahombele chikuma, mwomwo yamuchima vapwila nawo vatu wakulikanga nakuyayavala
Kla 13:31, 32; 14:2-6—Vyuma vyamakuli vahanjikile vaze vandoji likumi vakuhona lufwelelo, vyevwishile vatu kupihya nakuvalingisa valikange
Uno kulikata navakwetu vaka-kwitava nachitukolezeza ngachilihi?
Vis 27:17; Lom 1:11, 12; Hep 10:24, 25; 12:12
Mijimbu yamuMbimbiliya yize nayimikafwa:
2Mi 20:1-19—Omu Mwangana Yehoshafwate vamulukukile kuli vaka-kole jenyi, akungulwile vatu nakulomba
Vil 12:1-5, 12-17—Omu kaposetolo Yakova vamuyanjishile nomwo kaposetolo Petulu vamukashile mukamenga, vandumbwavo muYelusalema valikungulwile hamwe nakuputuka kuvalombelako
Uno kumona vyuma mujila yamwaza nachitukafwa ngachilihi tumike muukalu?
Vil 5:40, 41; Lom 8:35-39; 1Ko 4:11-13; 2Ko 4:16-18; 1Pe 1:6, 7
Mijimbu yamuMbimbiliya yize nayimikafwa:
Kup 39:19-23; 40:1-8—Numba tuhu Yosefwe vamuvangijikilile nakumuhaka mukamenga, oloze atwalileho lika kupwa wakushishika nakufwila kukafwa vakwavo
2My 6:15-17—Kapolofweto Elisha kevwile woma omu apwile muukaluko, kaha alombeleleleko muka-kumukafwa ngwenyi naikiye apwenga wakumika
Mazu aYehova anahase kumikolezeza
Vyuma muka vyamwaza vize Yehova atushika?
Uno kushinganyeka hamuchima waYehova wakutalilila chikoki nawakutetela nachitukolezeza ngachilihi?
Vyuma muka Yehova nahase kulingila vatu vaze vanahehela?
Ji 46:1; Isa 12:2; 40:29-31; Fwi 4:13
Mijimbu yamuMbimbiliya yize nayimikafwa:
1Sa 1:10, 11, 17, 18—Yehova evwililile kukulomba chaHana nakumukafwa evwenga kumuchima hwo omu ahombele nakwivwa kupihya chikuma
1My 19:1-19—Omu kapolofweto Elija ahombele, Yehova amukafwile. Amukolezezele, nakumuvendejeka, nakumuhana lutalililo lwavyuma vyamwaza kulutwe
Uno jishiko jamuMbimbiliya najitukafwa ngachilihi tupwenga vakumika?
2Mi 15:7; Ji 27:13, 14; Hep 6:17-19; 12:2
Mijimbu yamuMbimbiliya yize nayimikafwa:
Yop 14:1, 2, 7-9, 13-15—Yopa amwene ukalu waunene chikuma, oloze lutalililo lwakusanguka lwamuvendejekele
Nda 12:13—Kapolofweto Ndanyele uze apwile namyaka yakusemuka kafwe 100, vamukolezezele kuli kangelo uze amulwezele ngwenyi mwakatambula fweto yenyi kulutwe
Mwomwo ika kulomba kuli Yehova nakushinganyekanga hali ikiye chinahase kutukolezezela?
Mijimbu yamuMbimbiliya yize nayimikafwa:
1Sa 30:1-9—Omu Mwangana Ndavichi apwile muukalu alombele kuli Yehova, kahechi chamujikijishile
Luk 22:39-43—Omu Yesu apwile nakuhita mucheseko chachinene chikuma, alembelele Yehova amukafwe, kaha Yehova atumine kangelo ezenga nakumukolezeza
Uno kwivwa mijimbu yamwaza nakuyilwezako vakwetu chinahase kutukolezeza ngachilihi?
Mijimbu yamuMbimbiliya yize nayimikafwa:
Vil 15:2-4—Kaposetolo Paulu naMbalanape vakolezezele chikuma chikungulwilo chize vatambukililile
3Yo 1-4—Kaposetolo Yowano uze ashinakajiwile vamukolezezele omu atachikijile ngwenyi vatu vaze ambulilile mujimbu wamwaza vapwile lika vakushishika