Mijimbu yamuMbimbiliya yize nayimikafwa:

• Ji 78:​40, 41; 106:​36-46—Numba tuhu vaIsalele vevwishilenga Yehova kumuchima kupihya mapapa kakavulu, oloze Yehova avakonekelelenga lika

• Luk 15:​11-32—Yesu afwanyishile kukonekela chaYehova hakuvuluka chisemi wakeke nomwo akonekelele mwanenyi uze alingile vyuma vyavipi oloze apihililile nakwalumuka

Mijimbu yamuMbimbiliya yize nayimikafwa:

• Hep 9:​22-28—Kaposetolo Paulu alumbunwine ngwenyi Yehova nahase kutukonekela jishili jetu mwomwo Yesu ahanyine kuyoya chenyi hali etu

• Kus 7:​9, 10, 14, 15—Kaposetolo Yowano vamumwenesele “liyongomena lyalinene” lize lyemanyine kuli Kalunga, mwomwo vafwelelele muchimuna wakuvatula waKulishitu

Mijimbu yamuMbimbiliya yize nayimikafwa:

• Yop 42:​7-10—Yehova asakile Yopa alombeleko vaze masepa jenyi vatatu vamuhungumwishile, shimbu kanda akumise ukalu amwene Yopa nakumulingisa cheka kupwa wakulikangula nakupwa wakufukila

• Mat 18:​21-35—Yesu ahanjikile mujimbu uze wasolola nge twatela kukonekelanga vakwetu kachi nge tuli nakusaka Yehova atukonekele

Mijimbu yamuMbimbiliya yize nayimikafwa:

• Ji 32:​1-5; 51:​1, 2, 16, 17—Omu Mwangana Ndavichi alingile shili yayinene, evwile kumuchima kupihya kaha nawa ngolo jamukumine, ngocho apihililile nakwalumuka

• Yak 5:​14-16—Yakova alumbunwine ngwenyi, nge tunalingi shili yayinene kaha twatela kulyambulula kuli vakulwane muchikungulwilo

Mijimbu yamuMbimbiliya yize nayimikafwa:

• 1My 21:​27-29; 2Mi 18:​18-22, 33, 34; 19:​1, 2—Omu Mwangana Ahave vamusopesele, alinyishile ngocho Yehova amwivwililile keke, oloze ikiye kapihililile nakwalumukako, shikaho Yehova amumwene lika kupwa Mwangana wakuhuka kaha amujihile

• 2Mi 33:​1-16—Numba tuhu Mwangana Manase alingilenga vyuma vyavipi chikuma, oloze Yehova amukonekelele omu apihililile nakwalumuka. Manase asolwele ngwenyi nalumuka hakufumisako kulemesa makombelo nakukundwiza kulemesa chamuchano

Mijimbu yamuMbimbiliya yize nayimikafwa:

• 2Sa 12:13; 24:1; 1My 9:​4, 5—Numba tuhu Ndavichi alingile shili yayinene, oloze Yehova amukonekelele mwomwo yakupihilila nakwalumuka, kutwala muze amuvulukile kupwa mutu wakulonga

Mijimbu yamuMbimbiliya yize nayimikafwa:

• Mat 26:​36, 40, 41—Omu masepa jaYesu vasavalile, Yesu amwene ngwenyi numba tuhu vasakile kumukundwiza oloze vazeyele

• Mat 26:​69-75; Luk 24:​33, 34; Vil 2:​37-41—Yesu Kulishitu akonekelele Petulu uze apihilile nakwalumuka numba tuhu akanyine Yesu mapapa katatu. Kaha omu Yesu asangukile asolokele kuli Petulu kutwala muze amuhanyine milimo yayilemu muchikungulwilo

Mijimbu yamuMbimbiliya yize nayimikafwa:

• Mat 23:​29-33—Yesu ahuhumwine vaka-kusoneka navaFwaliseu ngwenyi kusopesa chaNgehena, chipwe ngwetu kunongesa chahaya myaka, nachikavawana mwalizavu

• Yow 17:12; Mak 14:21—Yesu avulukile Yuta Isakalyote ngwenyi, “mwanakunonga,” kaha ambile nawa ngwenyi, ou muka-kulikanga kachi chawahile kuli ikiye kuhona kusemuka