Kulemesela Hamwe Kalunga naMauka Eka
Uno vaka-kwitava vosena veji kulemesanga Kalunga umwe tahi?
Uno mauka akwitava osena aze eji kunangulanga vyuma vyakulihandununa eji kwivwisanga Yehova kuwaha tahi?
Mat 7:13, 14; Yow 17:3; Efw 4:4-6
Mijimbu yamuMbimbiliya yize nayimikafwa:
Yos 24:15—Yoshuwa ahanjikile ngwenyi twatela kusakula kuzachila Yehova chipwe kuzachila tulunga veka
1My 18:19-40—Yehova alwezele vatu kuhichila muli Elija ngwenyi vaka-kulemesa Kalunga wamuchano kavatela kwazana mukulemesa tulunga vekako
Uno Yehova eji kwivwanga ngachilihi kutalisa kutulunga veka nakukulemesa chavo?
Uno Yehova eji kwivwanga ngachilihi nge vatu navamba ngwavo vali nakulemesa ikiye, olozenyi vali nakulinga vilika vize ahunga?
Isa 1:13-15; 1Ko 10:20-22; 2Ko 6:14, 15, 17
Mijimbu yamuMbimbiliya yize nayimikafwa:
Klo 32:1-10—Alone vamushinyinyikile kuli vakwavo vaIsalele, ngocho atengele mwanangombe nakumuzachisa ‘hakulingila Yehova chiwanyino’
1My 12:26-30—Mwangana Yelovowame ahoneselenga vatu kuya kutembele kuYelusalema hakuvatengela tuponya vemanyineko Yehova, kahechi chalingishile vatu valinge shili
Vyuma muka Yehova anangwile vaIsalele kutalisa kukulemesa tulunga veka?
Vyuma muka alingile Yehova omu vatu jenyi vazachililenga tulunga veka?
Kuy 10:6, 7; Ji 106:35-40; Yel 44:2, 3
Mijimbu yamuMbimbiliya yize nayimikafwa:
1My 11:1-9—Mwangana Solomone vamuhungumwishile kuli mapwevo jenyi vakumafuchi eka aputuke kulemesa tulunga veka, kaha Yehova evwile kupihya chikuma
Ji 78:40, 41, 55-62—Asafwe alumbunwine omwo vilinga vyavaIsalele vyakulikanga nakuputuka kulemesa tulunga veka vyevwishile Yehova kumuchima kukola, ngocho akanyine vatu jenyi
Kutala Yesu akundwijilenga kunangula chamukwitava chize chalimbalakile naMazu aKalunga tahi?
Mijimbu yamuMbimbiliya yize nayimikafwa:
Mat 16:6, 12—Yesu afwanyishile kunangula chavaFwaliseu navaSatuse kuchimbalwila, mwomwo kunangula chakuhenga cheji kutandanga washi nakwenyeka muchano wamwenemwene wamuMazu aKalunga
Mat 23:5-7, 23-33—Yesu apopolwele vilinga vyakulyonga vyavaka-kusoneka navaFwaliseu nakunangula chavo
Mak 7:5-9—Yesu asawile vaka-kusoneka navaFwaliseu hakuhaka kulutwe visemwa vyavatu kuhambakana kunangula chamuMazu aKalunga
Uno Yesu akolezezele vaka-kumukavangiza valipangunune mutumazavu twatuvulu twavaka-kwitava tahi?
Mijimbu yamuMbimbiliya yize nayimikafwa:
Yow 15:4, 5—Yesu azachishile chifwanyisa chamutondo wamuvinyo hakusaka kulumbununa kulinunga chatela kupwa hali vaka-kumukavangiza, naikiye navakwavo vaka-Kulishitu
Yow 17:1, 6, 11, 20-23—Haufuku wamakumishilo uze apwile hamwe navaposetolo jenyi shimbu kanda vamujihe, Yesu alombeleleleko vaka-kumukavangiza vamuchano vapwenga vakulinunga
Uno vikungulwilo vyavivulu vyavaka-Kulishitu vakulivanga vyetavilile vyuma vyovimwe nakulemesa Yehova mujila yoyimwe tahi?
Mijimbu yamuMbimbiliya yize nayimikafwa:
Vil 11:20-23, 25, 26—Vikungulwilo vyamuAndeyoka namuYelusalema vyazachililenga hamwe nakupwa vyakulinunga
Lom 15:25, 26; 2Ko 8:1-7—Vikungulwilo vyamulikulukaji lyamyaka lyakulivanga vyasolwelenga zangi hakulikafwanga navakwavo mulwola lwaukalu, kahechi chasolwele nge vapwile vakulinunga
Uno Kalunga eji kwitavilanga mauka akwitava osena aze eji kwambanga ngwawo afwelela Kulishitu tahi?
Nge vatu navahona kukavangiza kunangula chaKulishitu nachavaposetolo, kaha kulemesa chavo navachitavila kuli Kalunga tahi?
Mijimbu yamuMbimbiliya yize nayimikafwa:
Mat 13:24-30, 36-43—Yesu azachishile chifwanyisa chakusolola ngwenyi vaka-Kulishitu vakulyonga vavavulu navakavula nakutangula chikungulwilo, ngana muze mwila weji kusokanga muwande
1Yo 2:18, 19—Kaposetolo Yowano omu apwile kashinakaji ahanjikile ngwenyi, vaka-kole jaKulishitu kuvapwile kusongo yalikulukaji lyamyaka lyakulivanga
Vyuma muka vyeji kusolokanga nge kunangula chamakuli navilinga vyakuhenga navitwalaho lika kupwa muchikungulwilo?
Vyuma muka vatela kulinga vaka-Kulishitu numba vatwaleho lika kupwa vakulinunga?
Mwomwo ika vaka-Kulishitu kavatela kwazanyina mukulemesa chamakuliko?
Mwomwo ika chapwila chamwaza kaha nawa changanyo kulweza vatu vatachikize kwitava chakuhenga?
Mwomwo ika katwatela kulikomokelako nge vatu vamukwitava chamakuli navatufumbukila nakutuyanjisa?