Kulihana
Chuma muka chamwenemwene chatela kutulingisa tulihane kuli Yehova Kalunga?
Lus 6:5; Luk 10:25-28; Kus 4:11
Talenu nawa Klo 20:5
Uno twatela kumona ngachilihi Mbimbiliya kachi nge tuli nakusaka kuzachila Kalunga?
Ji 119:105; 1Te 2:13; 2Ch 3:16
Talenu nawa Yow 17:17; Hep 4:12
Vyuma muka twatela kutachikiza kutalisa kujila eji kutukafwilangamo Kalunga mangana tufungulule shili?
Uno kupihilila nakwalumuka chasakiwa kulinga vyuma muka?
Mijimbu yamuMbimbiliya yize nayimikafwa:
Luk 19:1-10—Zakeu, mukulwane wavaka-kutambula mitelo, apihililile nakwalumuka nakukindulwisa jimbongo josena jize atambwilenga kuvatu
1Ch 1:12-16—Kaposetolo Paulu alumbunwine omwo asezele vilinga vyenyi vyavipi, nomwo vamukonekelele nakumutetela kuli Kalunga naKulishitu
Vyuma muka vikwavo twatela kulinga nge tunaseze vilinga vyetu vyavipi?
Jishimbi muka twatela kukavangiza mangana tuzachile Kalunga mujila yize etavila?
1Ko 6:9-11; Kol 3:5-9; 1Pe 1:14, 15; 4:3, 4
Mijimbu yamuMbimbiliya yize nayimikafwa:
1Ko 5:1-13—Kaposetolo Paulu alwezele vandumbwenyi muchikungulwilo chamuKolinde vafumise mutu uze nalingi shili yayinene mukachi kavo
2Ch 2:16-19—Kaposetolo Paulu ahuhumwine Chimoteu akanenga mazu aze navahanjika vaka-kulikanga kuli Kalunga, mwomwo mazu kana eji kutotowela nge limbongola
Mwomwo ika vangamba jaKalunga vatela kulihendela kujifulumende jamuno mukaye?
Mijimbu yamuMbimbiliya yize nayimikafwa:
Yow 6:10-15—Omu Yesu alishile liyongomena mujila yakukomwesa, vatu vasakile kumulingisa apwenga mwangana oloze ikiye avachinyine
Yow 18:33-36—Yesu alumbunwine ngwenyi Wangana wenyi kaweshi wamuno mukayeko
Uno shipilitu yajila yeji kutukafwanga ngachilihi tuzachile Kalunga?
Talenu nawa Vil 20:28; Efw 5:18
Mijimbu yamuMbimbiliya yize nayimikafwa:
Vil 15:28, 29—Lizavu lyakutwaminyina muYelusalema lyasakwile kanawa vyakulinga kutalisa kuchihande chakujihana hakuvakafwa kushipilitu yajila
Mujijila muka tunahase kuzachilanga Kalunga ngana muze alingile Yesu Kulishitu?
Mwomwo ika vaka-Kulishitu vaze valihana vatela kuvambapachishila?
Mat 28:19, 20; Vil 2:40, 41; 8:12; 1Pe 3:21
Mijimbu yamuMbimbiliya yize nayimikafwa:
Mat 3:13-17—Yesu ejile nakulinga mwaya muchima waIse, kaha asolwele chuma kana hakumumbapachisa
Vil 8:26-39—Chilolo wakaEchopa uze alumukile kupwa kaYuleya afwililile kumumbapachisa hanyima yakulinangula muchano hali Yesu Kulishitu