Kulizakamina
Uno mweji kulizakaminanga mwomwo yaukalu wakufwana nge uhutu, chipwe zala, chipwe kuhona membo tahi?
Mijimbu yamuMbimbiliya yize nayimikafwa:
Lun 3:19—Kapolofweto Yelemiya kapwile nahakutwamako hanyima yakunongesa Yelusalema, ngana muze chapwile kuli vatu veka vavavulu
2Ko 8:1, 2; 11:27—Vaka-Kulishitu muMasetonya vapwile muukalu wauhutu, kaha kaposetolo Paulu kakavulu kapwilenga navyakulya, chipwe vyakuvwala, chipwe zuvoko
Visoneka vyakumivendejeka:
Talenu nawa Lus 24:19
Uno mweji kulizakaminanga mwomwo yakushinganyeka ngwenu kamweshi kupwa nasepako, chipwe ngwenu namwivwa uli, chipwe ngwenu kaveshi kumizangako tahi?
Mijimbu yamuMbimbiliya yize nayimikafwa:
1My 18:22; 19:9, 10—Kapolofweto Elija amwene ngwenyi ikiye kaha ngamba yaYehova wakushika nasaleko, kakweshi wekako
Yel 15:16-21—Kapolofweto Yelemiya amwene ngwenyi ali ukawenyi mwomwo vatu vahakilenga kaha mangana kuvyuma vyavo muchishishisa chakwivwilila kumujimbu avalwezelenga
Visoneka vyakumivendejeka:
Mijimbu yamuMbimbiliya yakutuvendejeka:
1My 19:1-19—Yehova akafwile Kapolofweto Elija nakwivwilila kanawa kuukalu wenyi nakumujikijisa hakumusolwela unjiho wakusolola nge Yehova atwama nangolo
Yow 16:32, 33—Numba tuhu Yesu atachikijile ngwenyi navakamuseza ukawenyi, oloze atachikijile nawa ngwenyi keshi ukawenyiko