Kupwa Vakulonga
Uno kulonga chapwa chika?
Ji 18:23-25; 26:1, 2; 101:2-7; 119:1-3, 80
Mijimbu yamuMbimbiliya yize nayimikafwa:
Lev 22:17-22—Yehova asakile ngwenyi vimuna navamuhana kupwa mawana akulumba vatela kupwa “valambwe,” vakuzeneka katenga. Lizu “valambwe” lyalifwana nalizu lyachiHepeleu valumuna ngwavo “kulonga,” kahechi chalumbununa nge kupwa vakulonga chapwa kulisuula kuzachila Yehova chakuzeneka katenga
Yop 1:1, 4, 5, 8; 2:3—Chiyoyelo chaYopa chasolwele nge hakusaka mutu apwenga wakulonga atela kuvumbika Yehova, nakumulemesa namuchima wosena nakulihenda kukulinga vyuma vize navimwivwisa kupihya
Mwomwo ika twatela kupwila vakulonga?
Vyuma muka navitukunyula tulame kulonga chetu?
Talenu nawa Vis 27:11; 1Yo 5:3
Uno vyuma muka navitukafwa tupwenga vakulonga nakutwalaho lika kupwa ngocho?
Talenu nawa Lus 5:29; Isa 48:17, 18
Mijimbu yamuMbimbiliya yize nayimikafwa:
Yop 31:1-11, 16-33—Yopa apwilenga lika wakulonga hakulihenda kuujila nakusolwela vakwavo likoji nakavumbi. Alemeselenga kaha Yehova nakulihenda kumakombelo nakumuchima wakufwila luheto
Nda 1:6-21—Ndanyele namasepa jenyi vatatu valamine kulonga chavo kutalisa nakukusakula vyakulya, numba tuhu vapwile mukachi kavatu vaze kavalemeselenga Yehovako
Uno nge mutu nalimbenje muvyuma vyavivulu, kutala nahase cheka kupwa wakulonga kuli Kalunga tahi?
Mijimbu yamuMbimbiliya yize nayimikafwa:
1My 9:2-5; Ji 78:70-72—Hakuwana nge Mwangana Ndavichi apihililile nakwalumuka kujishili jenyi, Yehova amukonekelele kaha amumwene kupwa mutu wakulonga
Isa 1:11-18—Numba tuhu Yehova avulukile vatu jenyi ngwenyi vapwile vaka-kulyonga kaha nawa vakuzala nashili, oloze avalwezele ngwenyi mwavatomesa kachi nge navapihilila nakwalumuka