Kuzangamisa
Mwomwo ika Mbimbiliya yapwila himukanda wamwaza kuzachisa hakwolola vakwetu?
Mwomwo ika tuvosena twasakiwila kututwaminyina nakutwolola?
Talenu nawa Yel 17:9
Kuzangamisa chakufuma kuli Yehova cheji kusololanga ika?
Talenu nawa Lus 8:5; Vis 13:24; Kus 3:19
Mijimbu yamuMbimbiliya yize nayimikafwa:
2Sa 12:9-13; 1My 15:5; Vil 13:22—Numba tuhu Mwangana Ndavichi alingile jishili jajinene, oloze Yehova amuzangamishile mujila yazangi nakumukonekela
Yon 1:1-4, 15-17; 3:1-3—Yehova azangamishile kapolofweto Yona mwomwo yakuchina kuya nakuzachila kuze amutumine, chipwe ngocho amukonekele nakumulweza nawa ayenga nakuzata
Mwomwo ika chapwila chamangana kwitavila kuhuhumuna chaKalunga?
Vis 9:8; 12:1; 17:10; Hep 12:5, 6
Talenu nawa 2Mi 36:15, 16
Vyuma muka vyeji kusolokanga kuvatu vaze veji kukananga kuzangamisa chakufuma kuli Kalunga?
Vis 1:24-26; 13:18; 15:32; 29:1
Talenu nawa Yel 7:27, 28, 32-34
Mijimbu yamuMbimbiliya yize nayimikafwa:
Yel 5:3-7—Vatu jaKalunga vakaluhwishile michima yavo nakukana kuvahuhumuna, echi chalingishile vavazangamise chikuma
Zef 3:1-8—Vatu vamuYelusalema vakanyine kuzangamisa chakufuma kuli Yehova, ngocho vamwene ukalu waunene chikuma
Nganyo muka yatwama hakwitavila kuzangamisa chakufuma kuli Yehova?
Vis 4:13; 1Ko 11:32; Cht 1:13; Hep 12:10, 11
Mijimbu yamuMbimbiliya yize nayimikafwa:
Lus 30:1-6—Kapolofweto Mose ahanjikilile chimweza kutalisa kuvyuma vyamwaza navakalivwisa kuwaha vatu vaze navetavila kuzangamisa chakufuma kuli Yehova
2Mi 7:13, 14—Yehova alwezele Mwangana Solomone vyuma vyamwaza vyeji kufumanga hakwitavila kuzangamisa chakufuma kuli Kalunga
Mwomwo ika chapwila chamwaza kulinangula kuvatu vaze vazangamishile?
Mwomwo ika katwatela kuwahililako kachi nge vakwetu vamwe vali nakusakiwa kuvazangamisa?
Vyuma muka twatela kulinga kachi nge tuli nakusaka kunganyala kukuhuhumuna nakuzangamisa chaKalunga?
Talenu nawa Lus 17:18, 19; Ji 119:97
Mijimbu yamuMbimbiliya yize nayimikafwa:
1Mi 22:11-13—Mwangana Ndavichi afwelelesele mwanenyi Solomone ngwenyi Yehova mwakamukisula nge mwetavila kumutwaminyina kuli Yehova
Ji 1:1-6—Yehova ashika kukisula vaze navatanganga jishimbi jenyi nakujishinganyekanga
Mwomwo ika visemi vazangi veji kuzangamishilanga vana vavo?
Talenu chihande chakwamba ngwavo “Visemi”
Uno vana vatela kwakula ngachilihi kujila navavazangamishilamo visemi javo?
Talenu chihande chakwamba ngwavo “Tanga—Vana vaMalunga NavaMapwevo”