Luyanjisa
Mwomwo ika vaka-Kulishitu vatela kutachikijila ngwavo navakamona luyanjisa?
Mwomwo ika twatela kulomba kuli Yehova nge vanakutuyanjisa?
Ji 55:22; 2Ko 12:9, 10; 2Ch 4:16-18; Hep 13:6
Mijimbu yamuMbimbiliya yize nayimikafwa:
1My 19:1-18—Kapolofweto Elija alombele kuli Yehova kufuma kumuchima omu apwile nakumona luyanjisa, ngocho Yehova amukolezezele nakumuvendejeka
Vil 7:9-15—Yosefwe vamuyanjishile kuli vandumbwenyi vamalunga, chipwe ngocho Yehova atwalilileho kupwa wakushishika kuli ikiye, nakumuyovola nakumuzachisa mangana ayovole tanga yenyi
Luyanjisa lweji kwizanga mujijila muka?
Nge mutu namitukana
2Mi 36:16; Mat 5:11; Vil 19:9; 1Pe 4:4
Mijimbu yamuMbimbiliya yize nayimikafwa:
2My 18:17-35—Lavashake uze apwile muka-kuhanjikilako mwangana waAsulya, asawile Yehova nakwivwisa woma vatu vamuYelusalema
Luk 22:63-65; 23:35-37—Yesu vamusawile nakumutoleka kuli vatu vaze vamuyanjishilenga, omu vamukashile nomu vamusukikile hachitondo chakuyanjishila
Vaka-tanga yenu vanahase kumiyanjisa
Vanahase kutukasa nakututwala kumeso avaka-kuyula
Kutuveta
Kutunyemukila
Kutujiha
Vyuma muka vatela kulinga vaka-Kulishitu nge vanakuvayanjisa?
Mat 5:44; Vil 16:25; 1Ko 4:12, 13; 1Pe 2:23
Mijimbu yamuMbimbiliya yize nayimikafwa:
Vil 7:57–8:1—Omu kambaji Setefwano vapwile nakumujiha kuvatu vakulikanga vaze valikungulwile, alombele Kalunga evwile keke vatu vaze vapwile nakumuyanjisa, kuhakilako vene naSaulu wakuTalasu
Vil 16:22-34—Numba tuhu kaposetolo Paulu vamuvetele nakumuhaka mujikuli, oloze ikiye atetelelele muka-kulama kamenga, ngocho uze lunga natanga yenyi yosena vejile nakupwa vaka-Kulishitu
Vyuma muka vyasolokele kuli vaka-Kulishitu vamulikulukaji lyamyaka lyakulivanga?
Twatela kumona ngachilihi luyanjisa?
Uno lutalililo lwetu lweji kutujikijisanga ngachilihi nge tunakumona luyanjisa?
Mwomwo ika katwatela kwivwa sonyi, nawoma chipwe kuhomba nge tunakumona luyanjisa?
Ji 56:1-4; Vil 4:18-20; 2Ch 1:8, 12
Mijimbu yamuMbimbiliya yize nayimikafwa:
2Mi 32:1-22—Omu Mwangana Hezekiya vamufumbukilile kuli Mwangana Senakelive namaswalale jenyi vangolo, ikiye atwalileho lika kupendamina hali Yehova nakukolezeza vatu jenyi, ngocho vamukiswile
Hep 12:1-3—Omu vaka-kuyanjisa Yesu vasakile kumwivwisa sonyi, ikiye alumbilishile yize sonyi nakuhona kwechelela sonyi kana yimuhombese
Luyanjisa lunahase kuneha vyuma muka vyamwaza?
Kupwa nalukakachila nge tuli mucheseko cheji kwivwisanga Yehova kuwaha nakuneha kavumbi halijina lyenyi
Mijimbu yamuMbimbiliya yize nayimikafwa:
Yop 1:6-22; 2:1-10—Numba tuhu Yopa katachikijile ngwenyi Satana ikiye apwile nakumunehela ukalu, oloze ikiye kalikangile kuli Yehovako ngocho chanehele kavumbi hali Kalunga, nakusolola Satana kupwa muka-makuli
Nda 1:6, 7; 3:8-30—Hananyiya, naMishayele, naAzaliya (Shatalake, naMeshake naAvete-nengo) vaze vapwile vakushishika, valisuuwile kuhaka kuyoya chavo muponde hakukana kulikanga kuli Yehova, ngocho Mwangana Nevukataneza muka-kulemesa tuponya alishile Yehova kumeso avatu
Kutuyanjisa chinahase kulingisa vatu vamwe valinangule hali Kalunga
Mijimbu yamuMbimbiliya yize nayimikafwa:
Vil 11:19-21—Numba tuhu vaka-Kulishitu valimwangile mwomwo yakumona luyanjisa, oloze vatwalilileho lika kutandakanyisa mujimbu wamwaza kuvihela vyakwakusuku
Fwi 1:12, 13—Kaposetolo Paulu evwile kuwaha mwomwo kumukasa mukamenga chalingishile vatu vavavulu vevwilile kumujimbu wamwaza
Kupwa nalukakachila nakumona luyanjisa chinahase kujikijisa vakwetu vaka-kwitava
Iya eji kulingisanga vaka-kunangula vamukwitava navaka-mapolitiki vayanjise vatu vakushishika?
Yel 26:11; Mak 3:6; Yow 11:47, 48, 53; Vil 25:1-3
Mijimbu yamuMbimbiliya yize nayimikafwa:
Vil 19:24-29—Vatu vaze vafulilenga tujitembele twapalata twaAletemese muEfwesu, vashinganyekele ngwavo mujimbu wamwaza vambulwilenga vaka-Kulishitu walingishilenga vahone kupwa najimbongo, ngocho vajihilenga vaka-Kulishitu
Nga 1:13, 14—Shimbu kanda Paulu (Saulu) apwenga muka-Kulishitu, twima apwile nayo mukwitava chavaYuleya yamulingishile ajihe vaka-Kulishitu
Iya eji kulingisanga vatu vajihe vangamba jaYehova?