Milimo
Uno lizu milimo nakuwahilila vyatambukila ngachilihi hamwe?
Kuwaha muka chatwama hakulinangula kuzata milimo yamwaza nakupwa naushi wakuzata milimo yimwe?
Mijimbu yamuMbimbiliya yize nayimikafwa:
1Sa 16:16-23—Mukweze Ndavichi vamwalishilenga chikuma, hauhashi wenyi wakwimba, kaha myaso yenyi yanehelelenga mwangana wavaIsalele kuunda ngocho amuzangile chikuma
2Mi 2:13, 14—Hilame-avi, apwile chitotombwe kaha nawa kuluwa mukutunga, ngocho Mwangana Solomone amuzachishile mumulimo waunene wakutunga
Mwomwo ika vangamba jaYehova vasaka kuvatachikijila hakupwa vaka-kuzata nangolo?
Mijimbu yamuMbimbiliya yize nayimikafwa:
Kup 24:10-21—Laveka alingililile ngamba yaApalahama vyuma vyamwaza vyavivulu kuhambakana vize vamulwezele kulinga, kahechi chasolwele nge apwile namuchima wakukafwa kaha nawa nyamalikita
Fwi 2:19-23—Kaposetolo Paulu ahanyine mukweze Chimoteu mulimo waunene, mwomwo yamuchima wenyi wakulisuula kuzachila vakwavo nangolo kaha nawa mwomwo yakulinyisa
Mwomwo ika vangamba jaKalunga vatela kuzachila nangolo vahonesa uvwa?
Vis 13:4; 18:9; 21:25, 26; Kwa 10:18
Mijimbu yamuMbimbiliya yize nayimikafwa:
Vis 6:6-11—Mwangana Solomone azachishile chakutalilaho chatuzenene, hakunangula kulema chatwama hakuzata nangolo nakulihenda kuuvwa
Mwomwo ika twatela kuzachila nangolo mangana tulizakame mukuyoya?
Mwomwo ika twatela kuzachila nangolo mangana tuzakame jitanga jetu?
Mijimbu yamuMbimbiliya yize nayimikafwa:
Lut 1:16, 17; 2:2, 3, 6, 7, 17, 18—Tuliwe wamukweze Lute azachile nangolo mangana azakame Nowemi uze apwile nayewenu
Mat 15:4-9—Yesu ahuhumwine vaze vahonene kuzakama visemi javo, mwomwo yakulivuluka kupwa vaka-kuzachila Kalunga
Uno vaka-Kulishitu vatela kulisuula kulinga ika kutalisa kufweto veji kutambulanga kumilimo veji kuzatanga?
Twatela kumona ngachilihi jimbongo tweji kutambulanga kumilimo?
Uno twatachikiza ngachilihi ngwetu Yehova afwila kutukafwa tuzate kanawa milimo yetu nakuwana vyuma vyakulikafwa navyo mukuyoya?
Mat 6:25, 30-32; Luk 11:2, 3; 2Ko 9:10
Mijimbu yamuMbimbiliya yize nayimikafwa:
Kup 31:3-13—Lavane ayanjishilenga isewenu Yakova, oloze Yehova amwene kukilikita chaYakova ngocho amukiswile
Kup 39:1-6, 20-23—Yehova akiswile Yosefwe hamilimo yenyi omu apwile muzuvo yaFwalo nomu vamukashile mukamenga
Mwomwo ika twatela kumona mulimo wakuzachila Kalunga kupwa waulemu chikuma kuhambakana milimo yamukuyoya?
Ji 39:5-7; Mat 6:33; Yow 6:27
Mijimbu yamuMbimbiliya yize nayimikafwa:
Luk 12:15-21—Yesu azachishile chakutalilaho hakunangula ngwenyi chapwa hiuleya kuhaka kulutwe luheto, kuhambakana milimo yakushipilitu
1Ch 6:17-19—Kaposetolo Paulu ahuhumwine vaka-Kulishitu haponde yatwama hakupwa namuchima wakulivwimba, nakuvakolezeza vapwenga “navilinga vyamwenemwene vyavivulu”
Jindongi muka jinahase kutukafwa hakusakula milimo twatela kuzata?
Klo 20:4; Vil 15:29; Efw 4:28; Kus 21:8—Uno milimo ngunakusaka kusakula naungulingisa ngwazanenga mukala vyuma vize Kalunga ahunga tahi?
Klo 21:22-24; Isa 2:4; 1Ko 6:9, 10; 2Ko 7:1—Uno milimo kana yakundwiza vilinga vize Kalunga ahunga nakungulingisa ngulihanenga mulonga tahi?
Lom 13:1-7; Cht 3:1, 2—Umo milimo kana nayisakiwa yami kuhokola kala jishimbi jafulumende tahi?
2Ko 6:14-16; Kus 18:2, 4—Uno milimo nangusakula, nayingulingisa ngukundwizenga kwitava chamakuli chipwe kwazanangamo tahi?
Kuzachila Yehova
Mulimo muka waulemu uze vaka-Kulishitu vatela kwazanangamo?
Mwomwo ika twatela kufwila kuzatanga nangolo jetu josena mumulimo waYehova?
Luk 13:24; Lom 12:11; 1Ko 15:58; Hep 6:10-12
Talenu nawa 1Ch 3:1
Mwomwo ika katwatela kufwelela ngwetu vosena navazata seteko yoyimwe mumulimo waYehova?
Mijimbu yamuMbimbiliya yize nayimikafwa:
Mat 25:14, 15—Chifwanyisa chaYesu chasolola nge kasaka vaka-kumukavangiza vazate seteko yoyimweko
Luk 21:2-4—Yesu amwene wana waundende uze ahanyine tuliwe wakukalikiza kupwa waulemu
Iya eji kutuhananga ngolo mangana tutesemo mulimo waYehova uze vatuhana?
2Ko 4:7; Efw 3:20, 21; Fwi 4:13
Mijimbu yamuMbimbiliya yize nayimikafwa:
2Ch 4:17—Kaposetolo Paulu etavilile ngwenyi atambwile ngolo halwola luze asakiwilenga kupwa najo
Mwomwo ika kuzachila Yehova nangolo jetu josena cheji kunehanga kuwahilila?
Talenu nawa Mat 25:23