Muchima
Uno Mbimbiliya yasolola ngachilihi ngwayo muchima wachifwanyisa wapwa mutu wamukachi, kuhakilako vene navishinganyeka vyamutu navilinga vyenyi?
Ji 49:3; Vis 16:9; Luk 5:22; Vil 2:26
Mijimbu yamuMbimbiliya yize nayimikafwa:
Luk 9:46-48—Yesu olwele vaposetolo jenyi mwomwo amwene ngwenyi, mumichima yavo mwapwile vishinganyeka vyakufwila ulemu
Mwomwo ika chapwila chachilemu kulama michima yetu?
Mijimbu yamuMbimbiliya yize nayimikafwa:
Kup 6:5-7—Muchima wamutu waupi wanehele vilinga vyaulyanyi, ngocho Kalunga anehele Livaji mukaye kosena
1My 11:1-10—Mwangana Solomone ahonene kukinga muchima wenyi, ngocho ambachile mapwevo vakumafuchi eka kaha valumwine muchima wenyi nakuseza Yehova
Mak 7:18-23—Yesu alumbunwine ngwenyi vishinganyeka vyavipi vyosena vyeji kufumanga mumuchima, kaha vinahase kutulingisa tulinge vyuma vize ahunga Kalunga
Uno tunahase kukinga ngachilihi muchima wetu?
Ji 19:14; Vis 3:3-6; Luk 21:34; Fwi 4:8
Talenu nawa Eza 7:8-10; Ji 119:11
Mijimbu yamuMbimbiliya yize nayimikafwa:
Efw 6:14-18; 1Te 5:8—Omwo kaposetolo Paulu alumbunwine vyuma vyajita vyakushipilitu, ambile ngwenyi kwoloka, nalufwelelo, nazangi vinahase kukinga muchima wachifwanyisa ngana muze chipwiko chakukinga hatulo cheji kukinganga muchima uvene
Natutachikiza ngachilihi nge muchima wetu wachifwanyisa kaweshi kanawako?
Talenu nawa Vis 6:12-14
Mijimbu yamuMbimbiliya yize nayimikafwa:
2Mi 25:1, 2, 17-27—Halwola lumwe, Mwangana Amajiya alingilenga vyuma vyamwaza kumeso aKalunga, oloze kavilingilenga namuchima wenyi wosenako. Mukuhita chalwola aputukile kulivwimba kaha kapwile wakushishika kuli Kalungako, ngocho vamuzangamishile
Mat 7:17-20—Yesu ambile ngwenyi ngana muze mutondo waupi weji kwimanga mihako yayipi, namuchima waupi nawa weji kulingisanga mutu apwenga navilinga vyavipi
Mwomwo ika twatela kupwila namuchima wamwaza kaha vyuma muka navitukafwa tupwenga nawo?
Talenu nawa Ji 119:97, 104; Lom 12:9-16; 1Ch 1:5
Mijimbu yamuMbimbiliya yize nayimikafwa:
2My 20:1-6—Mwangana Hezekiya azachililenga Yehova namuchima wenyi wosena, ngocho omu avijile chikuma nakusaka kufwa, alembelelele Yehova amukafwe
Mat 21:28-32—Yesu ahanjikile chakutalilaho chize chasolola nge vyuma eji kulinganga mutu vikiko vyeji kusololanga omwo wapwa muchima wenyi kuhambakana vize eji kuhanjikanga
Mwomwo ika chapwila chamwaza kutachikiza ngwetu Yehova eji kukekesanga michima yetu?
Talenu nawa 1Sa 2:3
Mijimbu yamuMbimbiliya yize nayimikafwa:
1Sa 16:1-13—Kapolofweto Samwele alinangwile nge Yehova kahaka muchima kusolokeso yamutuko, shina omu apwa mumuchima
2Mi 6:28-31—Kulomba alombele Mwangana Solomone hakukunjika tembele yaYehova chasolwele nge Kalunga atwama nauhashi wakutachikiza vyuma vyatwama mumichima yavatu, kaha eji kuzachisanga uhashi kana mangana atuzakame