Mutu Kulimona Kupwa Wamulemu Chikuma Kuhambakana Vakwavo
Uno muyachi, nachisaka, chipwe kuyoya uhando vinahase kulingisa Kalunga amone mutu kupwa wamulemu tahi?
Vil 17:26, 27; Lom 3:23-27; Nga 2:6; 3:28
Mijimbu yamuMbimbiliya yize nayimikafwa:
Yow 8:31-40—VaYuleya vamwe valivwimbilenga mwomwo Apalahama apwile kakuluka yavo. Oloze Yesu avolwele mwomwo kavasolwele vilinga vyamwaza vize apwile navyo Apalahamako
Uno kuli vyuma vimwe vyatela kutulingisa tumone ulumbi vatu vakumuyachi chipwe vakulifuchi lyeka tahi?
Mijimbu yamuMbimbiliya yize nayimikafwa:
Yon 4:1-11—Yehova atalilile kapolofweto Yona chikoki hakumunangula asolwele keke vaka-Nyineve, vaze vapwile vakulifuchi lyeka
Vil 10:1-8, 24-29, 34, 35—Kaposetolo Petulu atachikijile jino ngwenyi katela kumona Vatu vakuMafuchi Eka vaze valumukile kupwa vaYuleya kupwa vamajiloko. Ngocho echi chamulingishile akafwe Kolonelyu natanga yenyi vapwenga vatete kwalumuka kupwa vaka-Kulishitu havatu vaze valumukile kupwa vaYuleya
Uno vaka-Kulishitu vaze vatwama naluheto vatela kulimona kupwa vavalemu chikuma kuhambakana vakwavo chipwe kuvamona mujila yakulipwila kuhambakana vakwavo tahi?
Talenu nawa Lus 8:12-14; Yel 9:23, 24
Uno nge mutu apwa mukulwane hamilimo chatela kumulingisa alimone kupwa wamulemu chikuma kuhambakana vakwavo nakuvalinga mwamupi tahi?
Mijimbu yamuMbimbiliya yize nayimikafwa:
Lus 17:18-20—Yehova ahuhumwine vaIsalele ngwenyi kakwatela kupwa mwangana numba umwe uze mwalimona kupwa wamulemu kuhambakana vatu jenyiko, mwomwo Kalunga amwene vatu kana kupwa vandumbu jamwangana
Mak 10:35-45—Yesu olwele vaposetolo jenyi mwomwo yakufwila kupwa havihela vyavilemu. (Talenu nawa vishina vyakulinangula vyahali Mak 10:42, “veji kulilingisanga kupwa vakaka javo,” muMbimbiliya yaKaye Kakahya yaChingeleshi)
Vyuma muka vyeji kusololanga nge mutu vanamwivwila uselewa kuli Kalunga?
Uno vaka-Kulishitu vatela kwazana mumauka avaka-kufumbukila fulumende tahi?
Mijimbu yamuMbimbiliya yize nayimikafwa:
Yow 6:14, 15—Vatu vafwelelele ngwavo Yesu nahase kuvayula kanawa hakuwana nge apwile mutu wamwaza, oloze ikiye akanyine kumutongola kupwa mwangana wahano hamavu
Pamo Nauzanga Nawa
YESU—IKIYE JILA, IKIYE MUCHANO, IKIYE KUYOYA
Uno Sevo Apwile Apalahama Nyi Liyavolo?
Yesu alumbunwine Ise namwakutachikijila vana vaApalahama.
VYUMA NAMULINANGULA KUMIJIMBU YAMUMBIMBILIYA
Yehova Atalilile Yona Chikoki
Uno kapolofweto waKalunga vamuminyine ngachilihi kuli ishi wamunene? Uno afumine ngachilihi mujimo lyaishi? Yehova amunangwile chishina muka?
VYUMA NAMULINANGULA KUMIJIMBU YAMUMBIMBILIYA
Kolonelyu Mwatambula Shipilitu Yajila
Mwomwo ika Kalunga atumine Petulu kuzuvo yamutu uze kapwile kaYuleyako?
VYAYETU
Lomba Vakutambukile
Shimutwilenu chihula chimwe chamuMbimbiliya chipwe kulinangula vyavivulu hali Vinjiho jaYehova.
