Tanga
Yehova ikiye ahakileko tanga
Visemi
Talenu nawa chihande chakwamba ngwavo “Visemi”
Visemi Vamalunga
Talenu nawa chihande chakwamba ngwavo “Visemi Vamalunga”
Visemi Vamapwevo
Talenu nawa chihande chakwamba ngwavo “Visemi Vamapwevo”
Malunga vambata, mapwevo vasomboka
Talenu nawa chihande chakwamba ngwavo “Ulo”
Vana vamalunga navana vamapwevo
Mulimo muka vatwama nawo vana mutanga?
Mwomwo ika vana vatela kwononokela visemi javo?
Mijimbu yamuMbimbiliya yize nayimikafwa:
Ji 78:1-8—VaIsalele valwezele vana vavo vyuma valingile vakakuluka javo, mangana vana vafwelele Kalunga nakuhona kulikanga
Luk 2:51, 52—Numba tuhu Yesu apwile wakukupuka, oloze muukweze wenyi wosena atwalileho lika kwononoka visemi jenyi vakuhona kukupuka
Vyuma muka vinahase kulingisa vana chivakaluhwile kuvumbika visemi javo?
Uno Yehova amona ngachilihi vana vaze kavavumbika visemi javoko?
Mijimbu yamuMbimbiliya yize nayimikafwa:
Lus 21:18-21—Kweseka najishimbi jaMose, nge mwana mwapwa wakunjinjavala, wakulikanga, namuka-kupenda, nakukana kumwolola nakuhona kuvumbika visemi jenyi, kaha vatelele kumujiha
2My 2:23, 24—Omu lizavu lyavanyike vamalunga vahonene kuvumbika kapolofweto Elisha uze apwile nakwimanyinako Kalunga, vanyike vavavulu vavajihile kuli ulusu
Uno visemi vatela kumona ngachilihi mulimo wakulela vana?
Mijimbu yamuMbimbiliya yize nayimikafwa:
Lev 26:9—VaIsalele vamwenenga kusema vana kupwa hikisu yakufuma kuli Yehova
Yop 42:12, 13—Hakuwana nge Yopa alamine kulonga chenyi ngocho ikiye napuwenyi vavakiswile kuli Yehova hakuvahana vana 10
Vyuma muka vatela kulinga vasongo namukulwane vize navivwisa Yehova kuwaha?
Mijimbu yamuMbimbiliya yize nayimikafwa:
Kup 27:41; 33:1-11—Yakova avumbikile yayenyi Esau nakuneha kuunda, kaha Esau akwileko mujila yalikoji
Mulimo muka vatwama nawo vana vaze vanakolo lyehi hali visemi javo navakaka javo?
Mijimbu yamuMbimbiliya yize nayimikafwa:
Kup 11:31, 32—Omu Apalahama afumine kuUle, ayile hamwe naise Tela, kaha amuzakamine palanga nomu afwile
Mat 15:3-6—Yesu azachishile Jishimbi vahanyine Mose mangana asolole ngwenyi vana vaze vanakolo lyehi, vatela kuzakama visemi javo vaze vanakalikiza
Vaka-Ulo
Talenu chihande chakwamba ngwavo “Vaka-Ulo”
Vakaka jaVatu
Talenu chihande chakwamba ngwavo “Vakaka jaVatu”