Mijimbu yamuMbimbiliya yize nayimikafwa:

• Kup 24:​1-4, 7—Omu Apalahama ashinakajiwile afwililile kumbachila mwanenyi Isaka pwevo havatu vaze veji kuzachilanga Yehova keshi hali vaKanane vaze valemeselenga tulunga vekako

• Kup 28:​1-4—Isaka alwezele mwanenyi Yakova ayenga nakumbata pwevo kuvatu vaze veji kulemesanga Yehova keshi kuli vaKananeko

Mijimbu yamuMbimbiliya yize nayimikafwa:

• 1My 11:​1-6, 9-11—Yehova apihililile naMwangana Solomone mwomwo yakulikanga kuvyuma vamuhuhumwine, hakumbata mapwevo vakumafuchi eka nakuvechelela valumune muchima wenyi

• Neh 13:​23-27—Nguvulu Nehemiya azangamishile nakwolola vatu, vaze vambachile mapwevo vakumafuchi eka vaze kavalemeselenga Yehovako mwomwo ashinganyekele kupihya eji kwivwanga Yehova hachuma kana

Mijimbu yamuMbimbiliya yize nayimikafwa:

• 1Sa 25:​2, 3, 14-17—Numba tuhu Navale apwile lunga waluheto oloze apwile namuchima waupi kaha nawa wakasautu

• Vis 21:9—Nge katweshi kusakula kanawa mutu wakwingila nenyi muuloko, kaha katweshi kupwa vakuwahililako nakuhona kutwama mukuunda

• Lom 7:2—Kaposetolo Paulu alumbunwine ngwenyi nge pwevo nasomboka, veji kumutwaminyinanga kuli lunga lyenyi wakuhona kukupuka, ngocho pwevo wamwenemwene eji kukekesanga kanawa lunga atela kusombokako

Mijimbu yamuMbimbiliya yize nayimikafwa:

• Vis 24:27—Shimbu kanda lunga ambate chipwe pamo kupwa navana, atela kuzata nangolo mangana akahase kuzakama tanga yenyi

Mijimbu yamuMbimbiliya yize nayimikafwa:

• Lut 2:​4-7, 10-12—Mbowaze atachikijile kanawa Lute hakumona mujila apwile nakuzachilamo milimo, nakushinganyeka nawa hapuho yamwaza, namujila evwile hali ikiye, nomwo azakaminyinemo nayewenu Nowemi nahamuchima wakuzanga Yehova

• Lut 2:​8, 9, 20—Lute atachikijile Mbowaze hakumona muchima wenyi walikoji, nawakuhana, nazangi apwile nayo hali Yehova

Mijimbu yamuMbimbiliya yize nayimikafwa:

• Vis 5:​18, 19 —Jijila jimwe jakusolwelamo zangi japwa kaha javaze valimbata

• Mwa 1:2; 2:6—Omu kafunga namwanapwevo wakuShulame vapwile nakulisesembwa, valisolwelenga zangi hakuhanjika mazu amwaza kuli umwe namukwavo, keshi mazu aze nawalingisa mutu evwenga peha yakusaka kulisavalako

• Mwa 4:12; 8:​8-10—Mwanapwevo wakuShulame apwile utoma namuchima wakulikanyisa kaha apwile kwijiva nge milemba vanashichi chipato

Mijimbu yamuMbimbiliya yize nayimikafwa:

• Kup 21:​8-12—Yehova alwezele Apalahama evwilile puwenyi Sala numba tuhu vyuma ahanjikile kavyamusuulwishileko

• Vis 31:​10, 11, 16, 28—Ngana muze vahanjika mujivesi kana, lunga uze ambata pwevo wamwenemwene kashinyinyika puwenyi chipwe kufwila kumuwanyina katengako, oloze eji kumufwelelanga nakumwalisa

• Efw 5:33—Mazu vahwima aze asonekele kaposetolo Paulu asolola nge pwevo asakiwa kumona ngwenyi lunga lyenyi amuzanga

Mijimbu yamuMbimbiliya yize nayimikafwa:

• Vis 1:8; 1Ko 7:4—Kalunga ahana vasomboki navisemi vamapwevo wata umwe mutanga

• 1Ko 11:3—Kaposetolo Paulu alumbunwine ngwenyi muvyuma alongesa Yehova tuvosena veji kututwaminyinanga kufumisaho kaha Kalunga Wangolo Josena

• Hep 13:​7, 17—Malunga namapwevo muchikungulwilo vosena vatela kuliluula kuli vaze vali nakuvatwaminyina nakuvononoka

Mijimbu yamuMbimbiliya yize nayimikafwa:

• Kup 18:12; 1Pe 3:​5, 6—Sala ahanyinenga lunga lyenyi kavumbi, nakumuvuluka ngwenyi “mwata,” chipwe ngwenyi mutwe wenyi wakushipilitu, kaha alingilenga ngocho namuvishinganyeka

Mijimbu yamuMbimbiliya yize nayimikafwa:

• Kup 24:​62-67—Laveka avendejekelenga lunga lyenyi Isaka omu naye afwile

• 1Sa 25:​14-24, 32-38—Avingayile akingile lunga lyehi wachileya nakuyovola vakuzuvo yenyi hakulembelela Ndavichi avatetele

• Ese 4:​6-17; 5:​1-8; 7:​1-6; 8:​3-6—Lisano Eseta ahakile kuyoya chenyi muponde mapapa kavali hakuya kuli lunga lyeyi kuze apwile mwangana nakumulembelela mangana akinge vatu jaKalunga