Mijimbu yamuMbimbiliya yize nayimikafwa:

• Kwa 12:​1-8—Mwangana Solomone azachishile mazu akashimutwiji hakuvuluka misongo yeji kwizanga nge mutu nashinakaja. Misongo yimwe shina kufwa meso (“mapwevo vaka-kutala hajinjanena navakamona milima kaha”), nakujika matwitwi (“vana vamapwevo vosena navakembila myaso mwishi”)

Mijimbu yamuMbimbiliya yize nayimikafwa:

• 1Sa 12:​2, 23—Omu kapolofweto Samwele ashinakajiwile, atachikijile ngwenyi chapwile chachilemu kutwalaho lika kulombelangako vatu jaYehova

• 2Sa 19:​31-39—Mwangana Ndavichi asakwililile Mbalajilai uze apwile kashinakaji, mwomwo apwile wakushishika kuli ikiye. Mbalajilai apwile wakulinyisa ngocho ketavilile kuzata milimo yize kahashileko

• Ji 71:​9, 18—Omu Ndavichi evwile woma ngwenyi Yehova keshi kumuzachisa mwomwo yaushinakaji, alembelele Yehova atwaleho lika kumuzachisa hakumuhana ngolo mangana anangule chisemunwino chakavangijileho hali Yehova

• Luk 2:​36-38—Kapolofweto wapwevo Ana uze apwile tuliwe wakashinakaji, vamukiswile mwomwo yakuzanga kulemesa Kalunga nakumuzachila nakashishi

Mijimbu yamuMbimbiliya yize nayimikafwa:

• Kup 12:​1-4 —Omu Apalahama apwile namyaka 75, Yehova amuhanyine mulimo uze walumwine kuyoya chenyi

• Nda 10:​11, 19; 12:13—Omu Ndanyele apwile namyaka yamuji 90, kangelo amutambukilile nakumulweza ngwenyi, apwile wamulemu kuli Yehova kaha navamukisula hakushishika chenyi

• Luk 1:​5-13—Yehova akiswile Zekaliya napwevo lyenyi Elizaveta omu vapwile tushinakaji, hakuvahana mwana walunga Yowano mujila yakukomwesa

• Luk 2:​25-35—Yehova akiswile Shimeyone uze apwile kashinakaji hakumulingisa amone mwana uze mwakapwa Meshiya, echi chalingishile Shimeyone ahanjike mazu aupolofweto vahwima hali mwana kana

• Vil 7:​23, 30-36—Omu kapolofweto Mose apwile namyaka 80, Yehova amuhanyine mulimo wakutwaminyina vatu jenyi vaIsalele

Mijimbu yamuMbimbiliya yize nayimikafwa:

• Kup 45:​9-11; 47:12—Yosefwe atumine mazu akulweza ise wakashinakaji Yakova ayenga nakutwama nenyi, ngocho amuzakamine palanga nakukufwa chenyi

• Lut 1:​14-17; 2:​2, 17, 18, 23—Lute akafwile Nowemi uze apwile kashinakaji, kaha alingile ngocho mumazu namuvilinga

• Yow 19:​26, 27 —Omu Yesu apwile kwakamwihi nakufwa hachitondo chakuyanjishila alwezele Yowano, kaposetolo uze azangile chikuma azakame naye