Yehova
Lijina lyenyi
Lijina lyakwamba ngwavo Yehova lyalumbununa ngwalyo, “Eji Kulingisanga Vyuma Kupwako”
Vyuma muka Yehova eji kulingisanga kupwako, chipwe ngwetu eji kulilingisanga kupwa ika mangana azakame vangamba jenyi?
Ji 19:14; 68:5; Isa 33:22; 40:11; 2Ko 1:3, 4
Talenu nawa Ji 118:14; Isa 30:20; Yel 3:14; Zek 2:5
Mwomwo ika kulingisa lijina lyaKalunga kupwa lyajila chapwila chachilemu?
Mwomwo ika Yehova uze apwa Mwata Wakulitulaho Mwilu naHamavu asakiwila kumwononoka?
Jivulukiso jimwe jaYehova
Wangolo Josena—Kup 17:1; Kus 19:6
Setu—Mat 6:9; Yow 5:21
Muka-kunangula Wamunene—Isa 30:20
Yehova wamayongomena—1Sa 1:11
Mwangana wahaya myaka yosena—1Ch 1:17; Kus 15:3
Uze waUkelenga—Hep 1:3; 8:1
Wakulitulaho Chikuma—Kup 14:18-22; Ji 7:17
Lilolwa—Lus 32:4; Isa 26:4
Mwata Wakulitulaho—Isa 25:8; Amo 3:7
Vilinga vyaYehova vimwe vyakulipwila
Uno Yehova asolola ngachilihi hatoma ngwenyi apwa wajila, kaha kutachikiza chuma kana nachilingisa vangamba jenyi valinge ika?
Klo 28:36; Lev 19:2; 2Ko 7:1; 1Pe 1:13-16
Mijimbu yamuMbimbiliya yize nayimikafwa:
Isa 6:1-8—Hakavanga kapolofweto Isaya evwile woma omu amwene chakumwenesa chize chashindakanyine hakujila chaYehova, oloze selafwe amulwezele ngwenyi navaka-shili vanahase kupwa vatoma kumeso aKalunga
Lom 6:12-23; 12:1, 2—Kaposetolo Paulu alumbunwine omwo tunahase kuhonesela jitato jetu jashili, nakufwila “kwima mihako yakutwala kukujila”
Uno ngolo jaYehova jatohwa ngachilihi, kaha mujijila jimwe muka eji kujizachishilangamo?
Klo 15:3-6; 2Mi 16:9; Isa 40:22, 25, 26, 28-31
Mijimbu yamuMbimbiliya yize nayimikafwa:
Lus 8:12-18—Kapolofweto Mose alwezele vaIsalele ngwenyi vapwilenga navyuma vyavivulu vyamwaza mwomwo Yehova azachishile ngolo jenyi nakuvakisula
1My 19:9-14—Yehova azachishile ngolo jenyi jakukomwesa nakukolezeza kapolofweto Elija
Mwomwo ika chiyulo chaYehova chapwila chiyulo chamwaza?
Lus 32:4; Yop 34:10; 37:23; Ji 37:28; Isa 33:22
Mijimbu yamuMbimbiliya yize nayimikafwa:
Lus 24:16-22—Ngana muze vasolola muJishimbi vahanyine Mose, Yehova apwa wachiyulo lwola lwosena, wazangi, kaha nawa wakeke
2Mi 19:4-7—Mwangana Yehoshafwate alwezele vaka-kuyula vaze asakwile ngwenyi vatelelele kuyula vatu kweseka nachiyulo chaKalunga keshi chavatuko
Vyuma muka vyasolola nge Yehova atwama namangana chikuma?
Ji 104:24; Vis 2:1-8; Yel 10:12; Lom 11:33; 16:27
Talenu nawa Ji 139:14; Yel 17:10
Mijimbu yamuMbimbiliya yize nayimikafwa:
1My 4:29-34—Yehova akiswile Mwangana Solomone hakumuhana mangana amavulu kuhambakana vatu vosena halwola luze
Luk 11:31; Yow 7:14-18—Yesu wamangana chikuma kuhambakana Solomone, chipwe ngocho Yesu atachikijile ngwenyi mangana enyi afumine kuli Yehova
Chuma muka chasolola nge zangi ikiko yapwa yayilemu kuli Yehova?
Yow 3:16; Lom 8:32; 1Yo 4:8-10, 19
Talenu nawa Zef 3:17; Yow 3:35
Mijimbu yamuMbimbiliya yize nayimikafwa:
Mat 10:29-31—Yesu azachishile chakutalilaho chakajilili hakusaka kulumbununa omwo Yehova azanga vangamba jenyi nakuvamona kupwa vavalemu
Mak 1:9-11—Yehova alwezele Mwanenyi ngwenyi amuzanga kaha evwile kuwaha kupwa Ise, ngocho visemi vavasela chakutalilaho chamwaza. Vana vasaka kuvafwelelesa ngocho kuli visemi javo
Vyuma muka vikwavo vyatulingisa tupandame kuli Yehova? Mbimbiliya yasolola nawa ngwayo Yehova . . .
Eji kumonanga vyuma vyosena—2Mi 16:9; Vis 15:3
Tunahase kumufwelela, mwomwo kalumukako—Mal 3:6; Yak 1:17
Apwa muka-kutetela—Isa 49:15; 63:9; Zek 2:8
Kwatwama haya myaka, katwama namaputukilo chipwe makumishiloko—Ji 90:2; 93:2
Apwa muka-kuhana—Ji 104:13-15; 145:16
Akwechi upahu—Kus 4:1-6
Apwa wakuwahilila—1Ch 1:11
Apwa wakulinyisa—Ji 18:35
Walikoji—Luk 6:35; Lom 2:4
Wakushishika—Kus 15:4
Apwa waUkelenga—Ji 8:1; 148:13
Apwa wakeke—Klo 34:6
Apwa muka-kutalilila chikoki—Isa 30:18; 2Pe 3:9
Wakuunda—Fwi 4:9
Wakwoloka—Ji 7:9
Vyuma muka navisoloka nge natutachikiza kanawa Yehova Kalunga?
Mwakuzachila Yehova
Vyuma muka vyasolola nge Yehova kasaka vangamba jenyi valinge vyuma vize kaveshi kuhasako?
Mijimbu yamuMbimbiliya yize nayimikafwa:
Lus 30:11-14—Jishimbi jize Yehova ahanyine vaIsalele kuhichila muli kapolofweto Mose kajapwile jajikalu kuli vakiko kukavangizako
Mat 11:28-30—Yesu uze eji kulondezezanga Ise, afwelelesa vaka-kumukavangiza ngwenyi Mwata wamwaza
Mwomwo ika chapwila chakutamo kwalisa Yehova?
Ji 105:1, 2; Isa 43:10-12, 21
Talenu nawa Yel 20:9; Luk 6:45; Vil 4:19, 20
Mijimbu yamuMbimbiliya yize nayimikafwa:
Ji 104:1, 2, 10-20, 33, 34—Muka-kwimba jisamu alishile Yehova mwomwo yavyuma atenga
Ji 148:1-14—Vyuma vyakutenga navangelo vosena veji kwalisanga Yehova, nayetu twatela kulinga mwomumwe
Uno vilinga vyetu vinahase ngachilihi kulingisa vatu valise Yehova?
Mwomwo ika twatela kupandamina kuli Yehova?
Uno kulinyisa nachitukafwa ngachilihi tupandame kuli Kalunga?
Uno kutanga Mbimbiliya nakushinganyekaho cheji kutupandamisanga ngachilihi kuli Yehova?
Mwomwo ika chapwila chachilemu kukavangiza vyuma tunalinangula hali Yehova?
Mwomwo ika katwatela kuswekela Yehova chuma numba chimweko?
Yop 34:22; Vis 28:13; Yel 23:24; 1Ch 5:24, 25
Mijimbu yamuMbimbiliya yize nayimikafwa:
2My 5:20-27—Ngehaze aswekele shili yenyi, oloze Yehova akafwile kapolofweto Elisha amone chuma kana
Vil 5:1-11—Ananyiya naSafwila vavasopolwele nakuvazangamisa mwomwo yakwonga shipilitu yajila