Wangana waKalunga Chuma Muka?
Uno wapwa . . .
-
chuma chize chatwama mumuchima wamutu tahi?
-
mazu achifwanyisa tahi?
-
fulumende yamwilu tahi?
VYUMA YAHANJIKA MBIMBILIYA
“Kalunga wamwilu mwakahakako wangana uze kaveshi kukanongesako.”—Ndanyele 2:44, Mbimbiliya yaKaye Kakahya.
“Vanatuhane mwana walunga. Fulumende nayikapwanga hachifwiji chenyi.”—Isaya 9:6; kwinyikila chamwishi.
OMWO MUNAHASE KUNGANYALA
-
Eyi fulumende yakwoloka yinahase kuminganyalisa oholili.—Isaya 48:17, 18.
-
Kaha kulutwe nayikamilingisa mukapwe vakuwahilila nakulikangula mukaye kakahya.—Kusoloka 21:3, 4.
UNO TWATELA CHIKUPU KUFWELELA VYUMA YAHANJIKA MBIMBILIYA TAHI?
Eyo, mwomwo yavishina vino vivali:
-
Yesu asolwele vyuma naukatesamo Wangana waKalunga. Yesu anangwile vaka-kumukavangiza valombenga Wangana waKalunga wizenga nakulomba nawa mwaya muchima waKalunga mulingiwe hano hamavu. (Mateu 6:9, 10) Yesu asolwele omu kulomba kana navakachikumbulula.
Omu Yesu apwile hano hamavu, alishile vatu vapwile nazala, okile vaveji, nakusangula vafu. (Mateu 15:29-38; Yowano 11:38-44) Hakupwa Mwangana waWangana waKalunga, Yesu alingile vyuma vyamwaza vize Wangana naukalingila vatu vakwononoka.—Kusoloka 11:15.
-
Ukalu uli nakusoloka mukaye wasolola nge Wangana waKalunga kalinwomu wizenga. Yesu ahanjikile chimweza ngwenyi shimbu kanda ou Wangana unehe kuunda hano hamavu, hano hakaye nahakapwa jijita, jizala jakalombolombo, namindenda.—Mateu 24:3, 7.
Ukalu kanou tuli nakuumona makumbi ano. Ngocho, twafwelela chikupu ngwetu Wangana waKalunga kalinwomu ukumise ukalu kana.
VYUMA MWATELA KUSHINGANYEKAHO
Uno chiyoyelo nachikapwa ngachilihi muchiyulo chaWangana waKalunga?
Mbimbiliya yakumbulula echi chihula hali SAMU 37:29; naISAYA 65:21-23.
Pamo Nauzanga Nawa
ESSENTIAL BIBLE TEACHINGS
Wangana waKalunga Chuma Muka?
Omu Yesu azachilenga mulimo wakwambulula, anangwilenga chikuma hachihande chaWangana waKalunga kuhambakana vihande vyeka. Hamyaka yayivulu, vaka-kumukavangiza vanalombonga ngwavo Wangana wizenga.
KAPOSHI KAKUTALILA
Uno Wangana waKalunga Naukalinga Vyuma Muka?
Yesu atachikijile ngwenyi Wangana waKalunga ukiko kaha naukafumisako ukalu vali nakumona vatu hano hamavu. Vyuma muka unalingi Wangana waKalunga vize navimikafwa mufwelele vyuma kana?
KUKUMBULULA VIHULA VYAKUPANDAMA KUMBIMBILIYA
Uno haMavu Nahakapwa Ngachilihi Kuunda?
Fwilenu kutachikiza omu Kalunga mwakatesamo jishiko jenyi jakuneha kuunda mukaye kosena kuzachisa Wangana wenyi.
KAPOSHI KAKUTALILA
Wangana waKalunga hiFulumende Yakuzeneka Vilinga vyaMaswekeza
Vyuma 6 vize vyasolola nge Wangana kana nauyulanga lika chakuzeneka vilinga vyamaswekeza.
VYAYETU
Mwomwo Ika Twatela Kulinangwila Mbimbiliya?
Mbimbiliya yinakukumbulula vihula vyavilemu vyavatu vavavulu mukaye. Kutala nayenu namusaka mbimbiliya yikumbulule vihula vyenu tahi?
