ACHISHINGANYEKE uli nakuhela mihako yamwaza yinahi kanawa. Nausuuluka nakuyihaka muchizuma chove. Waputukanga lyehi kuzata, oloze kawazeyeleko kaha nausaka kuya nakuzata milimo yikwavo. Noko nawa nakuhela mihako yeka oku vanawahilila, kaha ali nakushimutwila navakwavo muvanakuzachila. Noko ali nakusoloka ukweze ngana muze wamumwenenga omu wapwile ukanyike. Naulikomokela hakumona ushinakaji unakumu uze wapwanga nakumuyanjisa mukaye kaze kanakumu. Wamumwene omu apwile nakuviza nomu afwile, kaha walilile chikuma. Oloze nasanguka hamwe navakwavo veka vavavulu nakupwa cheka namijimba yakulikangula.

Twatachikiza ngwetu vyuma kanevi navikasoloka. Mwomwo vyuma eji kushikanga Kalunga vyeji kutesangamo. Muchihanda chino natushimutwila omu vyuma vimwe watushika Wangana navitesamo kalinwomu shimbu kanda jita yaAlamangetone. Natushimutwila nawa havyuma vize watushika Wangana vize navikatesamo omu nayikahita Alamangetone. Natukawahilila chikuma hakumona ou Wangana waKalunga unakuyula hamavu hosena nakulingisa vyuma vyosena kupwa vyavihya.