Vyuma Alingile Yesu

Vyuma Muka Tunalinangula Kuli Yesu?

2. Kachi nge natuputuka kushimutwila namutu hachihande chize nachimwivwisa kuwaha, kaha natushimutwila nenyi mujila yamwaza.

 Londezezenunga Yesu

3. Ashiwisenu muchima. Kanda kufwila kaha kushimutwila namutu hachihande mwaliwahisangako. Putukenu kushimutwila havyuma vize vali nakushinganyeka vatu halikumbi kana. Lihulisenu ngwenu:

1.    ‘Vyuma muka vali nakuhanjika vaka-kwazana mijimbu?’

2.   ‘Vyuma muka vali nakuhanjika vatu ngwalihata navo, chipwe vaze ngwazata navo chipwe vakwetu vaka-shikola?’

4. Pwenu vakuvanguluka. Lihulisenu ngwenu:

1.    ‘Vyuma muka ali nakulinga mutu kana halwola ngunamutambukila? Vyuma muka ali nakushinganyeka?’

2.   ‘Uno vyuma navwale, nasolokeso yenyi, chipwe limbo lyenyi vinakusolola nge atwama muliuka muka lyakwitava, kaha nawa wakuchisemwa muka?’

3.   ‘Uno elu hilwola lwamwaza lwakushimutwila namutu kana tahi?’

5. Ivwililenu kanawa.

1.    Kanda kuhanjika chikumako.

2.   Kolezeza mutu uli nakushimutwila nenyi ahanjike omwo ali nakwivwa. Nge chinatemo, kaha muhulise vihula.