KUPUTUKA KUSHIMUTWILA NAVATU
CHILONGESA 4
Pwenunga vaKulinyisa
Lundongi: “Linyisenunga nakumona vakwenu ngwenu vamihambakana enu.”—Fwili. 2:3.
Vyuma Alingile Paulu
1. Talenu VINDIYO, chipwe tangenu Vilinga 26:2, 3. Kufumaho lihulisenu vihula vino vinakavangizaho:
-
Uno Paulu asolwele ngachilihi muchima wakulinyisa omu ahanjikile naMwangana Angalipa?
-
Uno Paulu alingishile ngachilihi vatu vahake mangana kuVisoneka nakuli Yehova muchishishisa chakuhaka mangana kuli ikiye?—Talenu Vilinga 26:22.
Vyuma Muka Tunalinangula Kuli Paulu?
2. Nge natupwa vakulinyisa nakuhanjika mujila yakalemesa hakwambulila vatu, kaha natuvaheta kumichima.
Londezezenunga Paulu
3. Hanjikenu nakalemesa. Kanda kulisolola nge enu yenu mwatachikiza vyavivulu kuhambakana ikiyeko. Hanjikenu nenyi mujila yakalemesa.
4. Sololenu hatoma ngwenu vyuma muli nakushimutwila nenyi vyamuMbimbiliya. Mazu aKalunga eji kuhetanga vatu kumichima. Shikaho, kachi nge natuwazachisa, natukafwa vatu vazamise lufwelelo lwavo.
5. Undenu muchima. Kanda kushinjila mutu afwelele ngwenyi vyuma muli nakuhanjika vyamuchanoko. Katwatela kulipula nenyi jipamiko. Sololenu ngwenu mwapwa vakulinyisa hakuunda muchima nakutachikiza lwola mwatela kwecha kushimutwila namutu. (Vishi. 17:14; Chitu. 3:2) Kuunda muchima chinahase kulingisa mutu kana aketavile kushimutwila nenyi lwola lweka.
