KUKINDULUKILA KUMUTU
CHILONGESA 8
Pwenunga naMuchima Wakutalilila Chikoki
Lundongi: “Zangi yeji kutalililanga chikoki.”—Koli. 1, 13:4.
Vyuma Alingile Yesu
1. Talenu VINDIYO, chipwe tangenu Yowano 7:3-5 naWavaka-Kolinde 1, 15:3, 4, 7. Kufumaho lihulisenu vihula vino vinakavangizaho:
Vyuma Muka Tunalinangula Kuli Yesu?
2. Twatela kupwa namuchima wakutalilila chikoki mwomwo vatu vamwe cheji kumbatanga lwola numba vetavile mujimbu wamwaza.
Londezezenunga Yesu
3. Esekenu kuzachisako jila yeka. Kachi nge mutu mwavangila kukana kwitavila kulinangula Mbimbiliya, kaha kanda kumushinjilako. Nge chinahase, kaha zachisenu jivindiyo chipwe vihande mangana mumukafwe evwishise vyuma vyeji kusolokanga hachilongesa chaMbimbiliya nomwo nahase kunganyala.
4. Kanda kumwesekesa kuvakwavoko. Vatu vapwa vakulihandununa. Kachi nge mutu umwe mutanga chipwe mutu amishikile kukindulukilako mwalangisa kuputuka kulinangula Mbimbiliya chipwe kwitavila vyuma yanangula Mbimbiliya, kaha mwatela kukekesa muwane ovyo vinamulingisa. Kutala kuliko vyuma vimwe vyamukwitava afwelela vize amona kupwa vyavilemu chikuma tahi? Kutala vali nakumuhungumwisa kuli vausoko chipwe vakwavo muvalihachila tahi? Mutalililenu chikoki mangana ashinganyeke havyuma munamulweze, nakumona kulema chavyuma yanangula Mbimbiliya.
5. Lombelenuko mutu wakuwahilila. Lombenu Yehova amikafwe mupwenga nalufwelelo nakupwa vakuvanguluka. Mulombenu nawa amikafwe mutachikize lwola mwatela kulitwamina kushimutwila namutu uze keshi nakusaka kulinangulako.—Koli. 1, 9:26.
