Yesu ambile ngwenyi, vatu vamichima yamwaza navakatachikiza muchano omu navakawivwa. (Yowano 10:4, 27) Shikaho, kala lwola natushimutwilanga navatu twatela kuvambulila muchano wamuMbimbiliya wamaputukilo. Esekenu kuputuka kwambulila mutu hakumuhulisa ngwenu: “Kutala watachikiza ngwove . . . ?” chipwe “Wevwaho lyehi navahanjika ngwavo . . . ?” Kaha zachisenu Visoneka vinahanjika hachihande kana. Kushimutwila namutu muchano wamuMbimbiliya wamaputukilo chinapu kukuva mbuto muli mutu, kaha Kalunga mwakolesa mbuto kana.—Koli. 1, 3:6, 7.

•  Vyuma vyaKulutwe

•  Tanga

•  Kalunga

•  Kulomba

•  Yesu

•  Wangana waKalunga

•  Kuyanda

•  Kufwa

•  Mauka Akwitava

 VYUMA VYAKULUTWE

1. 1. Vyuma vili nakusoloka mukaye navilinga vyavatu vili nakusolola nge kukuma chili hakamwihi.—Mateu 24:3, 7, 8; Luka 21:10, 11; Chimo. 2, 3:1-5.

2. 2. Mavu kaveshi kukawanongesako.—Samu 104:5; Kwambu. 1:4.

3. 3. Mavu nawakawaha cheka. —Isa. 35:1, 2; Kuso. 11:18.

4. 4. Vatu vosena navakapwa namijimba yakulikangula.—Isa. 33:24; 35:5, 6.

5. 5. Munahase kuyoya haya myaka yosena hano hamavu.—Samu 37:29; Mateu 5:5.

 TANGA

1. 6. Lunga atela kuzanga “pwevo lyenyi nganomu alizanga ivene.”—Efwe. 5:33; Kolo. 3:19.

2. 7. Pwevo atela kupwa nakalemesa chikuma kuli lunga lyenyi.—Efwe. 5:33; Kolo. 3:18.

3. 8. Lunga napwevo vatela kupwa vakushishika kuli umwe namukwavo.—Mala. 2:16; Mateu 19:4-6, 9; Hepe. 13:4.

4. 9. Vana vaze veji kuvumbikanga visemi javo nakuvononoka veji kufukilanga.—Vishi. 1:8, 9; Efwe. 6:1-3.

 KALUNGA

1. 10. Kalunga atwama nalijina.—Samu 83:18; Yele. 10:10.

2. 11. Kalunga atuhana Mbimbiliya.—Chimo. 2, 3:16, 17; Petu. 2, 1:20, 21.

3. 12. Kalunga katala vatu kumesoko.—Lushi. 10:17; Vili. 10:34, 35.

4. 13. Kalunga asaka kutukafwa.—Samu 46:1; 145:18, 19.

 KULOMBA

1. 14. Kalunga asaka tulombenga kuli ikiye.—Samu 62:8; 65:2; Petu. 1, 5:7.

2. 15. Mbimbiliya yatunangula mwakulombela.—Mateu 6:7-13; Luka 11:1-4.

3. 16. Twatela kulombanga lwola lwosena.—Mateu 7:7, 8; Teso. 1, 5:17.

 YESU

1. 17. Yesu apwile muka-kunangula wamunene, kaha vyuma ahanjikile vyeji kukafwanga vatu.—Mateu 6:14, 15, 34; 7:12.

2. 18. Yesu ahanjikilile chimweza vyuma tuli nakumona makumbi ano.—Mateu 24:3, 7, 8, 14; Luka 21:10, 11.

3. 19. Yesu apwa MwanaKalunga.—Mateu 16:16; Yowa. 3:16; Yowa. 1, 4:15.

4. 20. Yesu keshi ikiye Kalunga Wangolo Josenako.—Yowa. 14:28; Koli. 1, 11:3.

 WANGANA WAKALUNGA

1. 21. Wangana waKalunga wapwa hifulumende yamwilu.—Ndanye. 2:44; 7:13, 14; Mateu 6:9, 10; Kuso. 11:15.

2. 22. Wangana waKalunga naukashisa jifulumende javatu.—Samu 2:7-9; Ndanye. 2:44.

3. 23. Wangana waKalunga ukiko kaha naukafumisako ukalu vali nakumona vatu.—Samu 37:10, 11; 46:9; Isa. 65:21-23.

 KUYANDA

1. 24. Kalunga keshi ikiye eji kunehanga kuyandako.—Lushi. 32:4; Yako. 1:13.

2. 25. Satana ikiye ali nakuyula kano kaye.—Luka 4:5, 6; Yowa. 1, 5:19.

3. 26. Kalunga eji kumizakamanga nge muli nakuyanda.—Samu 34:17-19; Isa. 41:10, 13.

4. 27. Kalinwomu Kalunga akumise kuyanda chosena.—Isa. 65:17; Kuso. 21:3, 4.

 KUFWA

1. 28. Vafu kavatachikiza chuma numba chimweko, kaha kaveshi nakuyandako.—Kwambu. 9:5; Yowa. 11:11-14.

2. 29. Vafu kaveshi kuhasa kutukafwa chipwe kutulemekako.—Samu 146:4; Kwambu. 9:6, 10.

3. 30. Vatu twazanga vaze vafwa navakasanguka.—Yopa 14:13-15; Yowa. 5:28, 29; Vili. 24:15.

4. 31. “Kufwa kacheshi kukapwako chekako.”—Kuso. 21:3, 4; Isa. 25:8.

 MAUKA AKWITAVA

1. 32. Mauka amwe kawevwisa Kalunga kuwahako.—Yele. 7:11; Mateu 7:13, 14, 21-23.

2. 33. Kalunga ahunga vaka-kulyonga.—Isa. 29:13; Mika 3:11; Mako 7:6-8.

3. 34. Zangi yamwenemwene yeji kusololanga liuka lyakwitava chamuchano.—Mika 4:3; Yowa. 13:34, 35