Kachi nge mutu mwaneha jipami hachihande chipwe nge mwatuhulisa chihula, kaha tunahase kutwalaho kushimutwila nenyi. Twafwila kushimutwila navatu vaze vatwama “namichima yamwaza yakusaka kuyoya chahaya myaka yosena.”—Vili. 13:48.

Vyuma muka twatela kulinga, nge mutu napihilila chipwe nge ali nakusaka kaha kulipula nenyi jipami chipwe nge keshi nakusaka kushimutwila nenyiko? Nge chili ngocho, kaha mwatela kuunda muchima nakwecha kushimutwila nenyi mujila yakuzangama. (Vishi. 17:14) Mwatela nawa kuhanjika nenyi mujila yalikoji mangana akahase kushimutwila nayenu kulutwe.—Petu. 1, 2:12.