KAPENI YAKULIPWILA
Jijita—Vyuma Muka Naukalinga Wangana waKalunga?
Mukaye kosena jijita jichili nakwenyeka vyuma nakuyanjisa vatu vavavulu. Ivwa vyuma vimwe vasonekele:
“Mwakawali vatu vavavulu vafwanga kujita chikuma, muEthiopia namuUkraine, munahichi kaha myaka 28 kufuma haze kwafwile vatu vavavulu mujita.”—Peace Research Institute Oslo, June 7, 2023.
“Jita yamuUkraine hijita yimwe hajijita jize jatohwanga chikuma mu 2022. Mwakawali, ulyanyi wavaka-mapolitiki mukaye kosena watohwanga najipaseti 27%, kaha wanehanga ukalu kuvatu vakuheta kafwe kumbiliyoni yimwe nachimbwa (1.7).”— The Armed Conflict Location & Event Data Project (ACLED), February 8, 2023.
Mbimbiliya yatuhana lutalililo. Yahanjika ngwayo “Kalunga wamwilu mwakahakako wangana uze kaveshi kukanongesako.” (Ndanyele 2:44) Muchiyulo chaWangana kana chipwe ngwetu fulumende, Kalunga “[mwakakumisa] jijita hamavu hosena.”—Samu 46:9.