TONENUNGA!
Kulisala chaUpapwoki Mukaye—Vyuma Muka Yahanjika Mbimbiliya?
Uhwanga unalisale chikuma muHaiti. Kaha nawa muSouth Africa namuMexico namumafuchi eka amuLatin America, muli ulyanyi chikuma uze uli nakuneha kuyanda kuvatu. Namumafuchi muze kamweshi cheka chikuma uhwangako, vatu vali nakutwama muchiwomawoma mwomwo yamijimbu yavatu vaze vali nakupukula vikumba vyavo.
Vyuma muka yahanjika Mbimbiliya havyuma vili nakusoloka mukaye?
Mbimbiliya yahanjikilile chimweza upapwoki uliko makumbi ano
Mbimbiliya yahanjikilile chimweza ngwayo upapwoki naukapwa chuma chakutachikijilaho “chikukulwishi chakatwamino kamyaka yino.” (Mateu 24:3) Hakulumbununa aka katachikijilo, Yesu ambile ngwenyi:
“Zangi yavatu vavavulu nayikahola mwomwo yakuvula chaupapwoki.”—Mateu 24:12.
Mbimbiliya yapolofwetele nawa ngwayo “hamakumbi akukuminyina” vatu navakapwa “vaka-kuhona muchima wakulikanyisa vavene, vaka-ukenya, vaze kavazanga vyuma vyamwazako.” (WaChimoteu 2, 3:1-5) Vilinga kana evi vyavipi vikiko vili nakulingisa upapwoki ulisale makumbi ano.
Oloze kuli vyuma vyavivulu vyatela kutulingisa tufwelele ngwetu vyuma navikapwa kanawa. Mbimbiliya yatufwelelesa ngwayo kalinwomu vafumiseko upapwoki.
“Kunasale kashimbu kakandende kaha, vaka-kuhuka kaveshi kupwako chekako. Naukatalatala kuze vapwanga, oloze kaveshi kukapwakoko. Oloze vavavwovu navakaheta mavu, kaha navakalivwisa kuwaha kuunda chamwenemwene.”—Samu 37:10, 11.
Linangule vyavivulu kutalisa kumujimbu wamuMbimbiliya walutalililo, novyo vyatela kukulingisa ufwelele ngwove vyuma vili nakusoloka oholyapwa vili nakutesamo upolofweto wamuMbimbiliya. Achitange vihande vino:
“Lutalililo Lwakukapwa Nakuyoya Chamwaza Kulutwe”
“Vinjikizo Muka Vyasolola Nge Tuli Nakuyoyela ‘muMakumbi Akukuminyina’?”