Vatu vavavulu mukaye vali nakumona ukalu wamavaji amanene chikuma. Ivwa mijimbu yino:

•   “Kufuma lyaSateli nakuheta kuChitatu, munganda yayinene yaChina mwanokanga vula yayinene chikuma yize yapwanga najimilimita 744.8 (29.3 inches) kaha munahici myaka 140 kufuma haze yanokele vula yayinene ngana.”—AP News, August 2, 2023.

•   “LyaChiwana, nyamanganda vavuluka ngwavo Khanun anehanga vula napeho yayinene chikuma kusulo yalifuchi lyaJapan, kaha vatu vavali vafwanga. . . . Peho kana yinahase kuneha vula yize nayiheta kujimita 0.6 (2 feet) kungalila yajipili muTaiwan.”—Deutsche Welle, August 3, 2023.

•   “Vula yayinene chikuma yize yanokanga mulifuchi lyaCanada kungalila yakungenge yaAtlantic yanehanga livaji kusongo yachalumingo [muNova Scotia], kaha munahichi myaka 50 kufuma haze kwanokele vula yayinene ngana.”—BBC News, July 24, 2023.

 Vyuma muka yahanjika Mbimbiliya kutalisa kuukalu kanou?

 Mbimbiliya yasolola nge tuli nakuyoyela mumakumbi vavuluka ngwavo “makumbi akukuminyina.” (WaChimoteu 2, 3:1) Yesu apolofwetele ngwenyi, mumakumbi etu ano, natumonanga “vyuma vyakwivwisa vatu woma.” (Luka 21:11) Kwalumuka chajingonde chinalingisa kupwenga ukalu wakwiza mukakasumuna, navyuma vyeka vyakwivwisa woma.

 Mbimbiliya yatulweza ngwayo vyuma vyavivulu vyakwivwisa woma vili nakusoloka makumbi ano, vyatela kutuhana lutalililo. Mwomwo ika? Yesu ambile ngwenyi: “Omu namukamona vyumevi vili nakusoloka, katachikizenu ngwenu Wangana waKalunga uli kwakamwihi.”—Luka 21:31; Mateu 24:3.

 Vyuma vili nakusoloka, vili nakusolola nge kalinwomu Wangana waKalunga ulingise vyuma vyosena vyechenga kuneha ukalu, kuhakilako vene nakulitungulula chameya.—Yopa 36:27, 28; Samu 107:29.

 Hakusaka kulinangula vyavivulu vyomu Wangana waKalunga naukawahisa vyuma vyosena hano hamavu, tala chihande chakwamba ngwavo “Iva Mwavovola Mavu?”