Tuli nakwivwa mijimbu yayivulu kutalisa kuhanjikiso yayipi, nauhwanga, navatu kujiha vatu vakufuma kuvisemwa vyeka najijita.

•   “Vatu vaze veji kukundwizanga ulyanyi nachijindo vali nakuhanjika vyuma vyavipi chikuma haInternet kutalisa kuvikokojola vili hakachi kalifuchi lyaIsrael naGaza.”—The New York Times, November 15, 2023.

•   “Kuputuka vene ha 7 October, hajinkiso yayipi nauhwanga mukaye kosena vize vili nakwiza mwomwo yakulimona ulumbi, vinavulilako chikuma kuhambakana kunyima.”—Dennis Francis, twamina waliuka lyaUnited Nations General Assembly, November 3, 2023.

 Hanjikiso yayipi naulyanyi najijita vinapungako lika kufuma vene kushikulu. Mbimbliya yavuluka vatu vakushikulu vaze “[vanongelenga] mazu avo aukenya kwijiva nge mivwi,” nakukundwiza jiijta naulyanyi. (Samu 64:3; 120:7; 140:1) Oloze Mbimbiliya yalumbununa ngwayo chijindo tuli nakumona makumbi ano chili naulumbunwiso waulemu.

 Mbimbiliya yavuluka vyuma vivali vyalingisa chijindo chilisale makumbi ano.

1.  1. Yapolofwetele vyalwola luze “zangi yavatu vavavulu nayikahola.” (Mateu 24:12) Muchishishisa chakupwa nazangi, vatu vavavulu vali nakusolola vilinga vize vyakundwiza chijindo.—WaChimoteu 2, 3:1-5.

2.  2. Kutohwa chachijindo makumbi ano, chili nakusolola nge Satana Liyavolo ikiye ali nakulingisa muchima kana uyangilile mukaye. Mbimbliya yamba ngwayo “kaye kosena katwama mumavoko ayauze wakuhuka.”—WaYowano 1, 5:19; Kusoloka 12:9, 12.

 Chipwe ngocho, Mbimbiliya yahanjika ngwayo kalinwomu Kalunga afumiseko vyuma vyeji kunehanga chijindo. Chuma chachilemu mwakalinga shina kufumisako ukalu uze weza mwomwo yachijindo. Mbimbiliya yashika ngwayo:

•   Kalunga “mwakahunda masoji osena kumeso avo, kufwa kacheshi kukapwako chekako, kaha nawa kakweshi kukapwa cheka kulishona, chipwe miteto, chipwe kukolako. Vyuma vyakulivanga vinafumuko lyehi.”—Kusoloka 21:4.