Ukalu Wakuhona Jimbongo—Vyuma Muka Naukalinga Wangana waKalunga?
Vatu vavavulu mukaye chili nakuvakaluhwila kuwana jimbongo jakutamo jakulanda vyuma vyakulikafwa navyo, kaha ukalu kana uli nakutohwelako lika.
Lipoti a lyakalinwomu lyasololanga nge, “jimbongo vali nakutambula vatu makumbi ano jili nakukehelako chikuma.” Lipoti kana lyatwalileho kuhanjika ngwalyo, kachi nge vatu kaveshi kuvahakilako jimbongoko kaha nahapwa chihandwa chachinene hakachi kavihutu navapichi, kaha nawa chiyoyelo mujitanga jajivulu nachikaluhwa chikuma.”
Uno jifulumende najihasa kukumisa ukalu kana tahi?
Mbimbiliya yahanjika ngwayo kwatwama fulumende yize nayikafumisako ukalu wakuhona jimbongo. Yamba ngwayo “Kalunga wamwilu mwakahakako wangana,” fulumende yimwe kaha yize nayikafumisako ukalu wosena hano hamavu. (Ndanyele 2:44) Omu fulumende kana nayikayulanga, kakweshi mutu navakavulyama chipwe kusuvililako. (Samu 9:18) Wangana waKalunga naukalingisa vatu vaze naukayulanga vakapwe navyuma vize navikavalingisa vakapwe vakuwahilila. Vatu vosena navakalivwisanga kuwaha milimo yamavoko avo.—Isaya 65:21, 22.
a Lipoti lyamu 2022-23 lyaInternational Labour Organization Global Wage