•   “Kafwe chimbwa chavakulwane mulifuchi lya U.S. vambile ngwavo veji kwivwanga uli, kaha vavavulu, hivakweze vamyaka yakuputuka ha 18 nakuheta ku 25.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[Liuka lyaWorld Health Organization] linahakeko mutango wauhya (Commission on Social Connection) uze nautalanga havatu vaze vali nakumona ukalu wakuhomba, hakuwana nge ukalu kana uli nakuhaka kuyoya chavatu muponde. Nalitalanga nawa hakukolezeza vatu vawanenga lwola lwakupwanga hamwe navakwavo, nakuwana mwakukumishila ukalu kana mumafuchi osena.”—World Health Organization, November 15, 2023.

 MuMbimbiliya mwatwama jindongi jize najitukafwa tulikatenga navakwetu nakuhona kwivwa uli.

 Kehesako kulinga vyuma vize navikuhandula kuvakwenu. Chuma chimwe watela kukehesako shina kuzachisanga chikuma internet. Fwilanga kuwanangako lwola lwakupwa hamwe navatu, nakutunga masepa.

•   Lundongi lwamuMbimbiliya: “Sepa wamwenemwene eji kuzanganga sepa lyenyi shimbu yosena, kaha napu nge hindumbwenyi uze mwamukafwa mulwola lwavihuli.”—Vishimo 17:17.

 Tondanga jijila jakukafwilamo vakwenu. Kulingila vakwetu vyuma vyamwaza cheji kuzamisanga usepa wetu, nakutukafwa nawa tupwenga vakulikangula muvishinganyeka.

•   Lundongi lwamuMbimbiliya: “Kuhana cheji kunehanga kuwahilila chikuma kuhambakana kutambula.”—Vilinga 20:35.

 Yako hakeyala yetu uwane mijimbu yayivulu yamuMbimbiliya yize nayikukafwa utachikize mwakutungila masepa vamwenemwene.