TONENUNGA!
Vatwamina VamaPolitiki Vanambe Ngwavo Kalinwomu Alamangetone Yizenga—Vyuma Muka Yahanjika Mbimbiliya?
LyaMande, ha 10 October, 2022, Lifuchi lyaRussia lyapilwile tupata nakwasa mulifuchi lyaUkraine mwomwo yakwenyeka chalo [chau] chize chakwatasana lifuchi lyaCrimea naRussia. Ava tupata kana vavapilwile omu mwahichile makumbi amandende kufuma haze vatwamina vamapolitiki vahanjikile ngwavo kalinwomu Alamangetone yizenga.
“Kufuma halwola lifuchi lya U.S. vapwile nakuliyula kuli John F. Kennedy nahalwola kwapwile mata amatendazungu muCuba, kanda tupandamengaho lyehi kujita yaAlamangetone nganako. . . . Shikaho kakweshi kuhasa kupwa jita yamatendazungu chakuhona kuneha jita yaAlamangetoneko.”—Twamina waU.S. Joe Biden, 6 October, 2022.
“Chikupu vene eyi hijita yaAlamangetone, nayineha ukalu hamavu hosena.” Omu mukiko ahanjikile twamina walifuchi lyaUkraine Volodymyr Zelensky halwola vamuhulishile kuli vaka-kwazana mijimbu vakuBBC ha 8 October, 2022, ahanjike ukalu unahase kufumamo kachi nge navazachisa mata amatendazungu.
Uno kuzachisa mata amatendazungu nachineha jita yaAlamangetone tahi? Vyuma muka yahanjika Mbimbiliya?
Uno kuzachisa mata amatendazungu nachineha jita yaAlamangetone tahi?
Nduma. Lizu “Alamangetone” valizachisa kaha kamwe Mbimbiliya hali Kusoloka 16:16. Alamangetone kayapwa jita yize vanahase kuzunga vaka-mafuchiko, oloze yapwa jita yize Kalunga mwakazunga “[na]vamyangana vahamavu hosena.” (Kusoloka 16:14) Kalunga mwakazachisa jita yaAlamangetone hakukumisa chiyulo chavatu.—Ndanyele 2:44.
Hakusaka utachikize vyavivulu havyuma nayikalinga Alamangetone hano hamavu, tanga chihande chakwamba ngwavo Uno Jita yaAlamangetone Yapwa Ika?
Uno ano mavu, navatu navyuma vyatwamaho navakavinongesa kumata amatendazungu tahi?
Nduma. Numba tuhu kulutwe vatwamina vavatu vanahase kuzachisa mata amatendazungu, oloze Kalunga keshi kukechelela vakanongese kayeko. Mbimbiliya ngwayo:
“Mavu nawapwangako haya myaka yosena.”—Muka-kwambulula 1:4.
“Vaka-kwoloka navakaheta mavu, kaha navakatwamangaho haya myaka yosena.”—Samu 37:29.
Chipwe ngocho, upolofweto wamuMbimbiliya navyuma vili nakulingiwa vili nakusolola nge kalinwomu hano hamavu hapwenga kwalumuka chachinene. (Mateu 24:3-7; WaChimoteu 2, 3:1-5) Tachikiza vyuma vyakulutwe yahanjika Mbimbiliya hakulinangula Mbimbiliya hawana wakanyombo.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Uno Mavu Navakawanongesa Tahi?
Mbimbiliya yahanjika hatoma vyuma ajinyine Kalunga hakutenga yino pulaneti yetu.
ESSENTIAL BIBLE TEACHINGS
Mwomwo Ika Kalunga Atengelele Mavu?
Kaye ketu kapwa kamwaza chikuma. Katwama kwakusuku nalikumbi, kaha vakaseteka kanawa, keji kunyengumukanga chindende chindende. Mwomwo ika Kalunga atengelele mavu mujila kaneyi?
KUKUMBULULA VIHULA VYAKUPANDAMA KUMBIMBILIYA
Vinjikizo Muka Vyasolola Nge Tuli Nakuyoyela ‘muMakumbi Akukuminyina’?
Mbimbiliya yavuluka vyuma vize navikalivanga kusoloka shimbu kanda ‘makumbi akukuminyina.’
Lifuchi lyaRussia Linalukuka Lifuchi lyaUkraine—Uno Upolofweto WamuMbimbiliya Uli Nakutesamo Tahi?
Nge mukiko, kutala Mbimbiliya yahanjika omu ukalu kana naukakuma tahi?
KAPOSHI KAKUTALILA
Uno Vatu Vanahase Kukayovoka Jita yaAlamangetone Tahi?
Lizu Alamangetone lyeji kwivwisanga vatu woma, uno lyatalisa kuvyuma muka?
VYAYETU
Lomba Vakutambukile
Shimutwilenu chihula chimwe chamuMbimbiliya chipwe kulinangula vyavivulu hali Vinjiho jaYehova.
