TONENUNGA!
Kulisala chaUkalu waKuviza muWongo kuVakweze—Vyuma Muka Yahanjika Mbimbiliya?
LyaMande, ha 13 February, 2023, liuka lyatala hakukehesa misongo nakuyihonesa lize vavuluka ngwavo Centers for Disease Control and Prevention (CDC) lyamuUnited States lyalowele lipoti lyahanjikile hamusongo wamuwongo uze uli nakukwata chikuma vakweze mu U.S. Lipoti kana lyahanjikile ngwalyo, kafwe chimbwa chavakweze (jipaseti 40) vali kushikola veji kuhombanga chikuma nakulivwa kupwa vamokomoko halwola lwalusuku.
Ndotolo Kathleen Ethier, mukulwane wamutango waDivision of Adolescent and School Health (DASH) waliuka lya CDC, ambile ngwenyi: “Numba tuhu tunamononga kuvula chavakweze vaze vanavijinga musongo wamuwongo hamyaka 10 yinahichimo, oloze oholyapwa navana vamapwevo vali jino nakuuviza chikuma nakupwa navishinganyeka vyakusaka kulijiha, kuhambakana muze chapwile kunyima.”
Lize lipoti lyambile nawa ngwalyo:
Jipaseti 14 javana vamapwevo vanavashinjilanga kuvasavala. Ndotolo Ethier ambile ngwenyi, “Mujimbu kana uli nakwivwisa woma. Havana vamapwevo 10 vaze watachikiza, kuvanga hapwenga umwe chipwe vavali vaze vapikaho lyehi kumalunga.”
Jipaseti 30 javana vamapwevo vashinganyekaho lyehi kulijiha.
Jipaseti 57 javana vamapwevo vanahombonga halwola lwalusuku chipwe kulivwa kupwa vamokomoko.
Chikupu vene jitotala kana jili nakwivwisa woma. Lwola lwaukweze lwatela kupwa lwakuwahilila. Vyuma muka navikafwa vakweze muukalu vali nakumona makumbi ano? Vyuma muka yahanjika Mbimbiliya?
MuMbimbiliya mwatwama vyuma vize navikafwa vakweze
Mbimbiliya yalumbununa kanawa lwola luno lwalukalu tuli nakuyoyelamo ngwayo “lwola lwalukalu.” (WaChimoteu 2, 3:1-5) Chipwe ngocho, muMbimbiliya mwatwama mazu aze kawasekako, aze ali nakukafwa vakweze vavavulu chikuma mukaye kosena vafukile chamokomoko naukalu vali nakumona. Achitale vihande vino vyazama haMbimbiliya:
Vyuma navikafwa vakweze vaze vali navishinganyeka vyakusaka kulijiha
Uno Mbimbiliya Yinahase Kungukafwa Nge Nguli naVishinganyeka Vyakusaka Kulijiha Tahi?
Mwomwo Ika Twatela Kutwalaho Lika Kuyoya?
Vyuma navikafwa vakweze vaze vanahombo chipwe kulivwa kupwa vamokomoko chipwe kupwa navishinganyeka vyavipi
Munahase Kupwa Cheka Vakuwahilila (vindiyo yavyakufunjejeka)
Vyuma navikafwa vakweze nge vali nakuvayanjisa chipwe kuvalinga mwamupi hainternet
Fungulula Muka-Kukuyanjisa Chakuzeneka Kumuveta (vindiyo yavyakufunjejeka)
Vyuma navikafwa vakweze vaze veji kushinjilanga kuli vakwavo valinge ujila
MuMbimbiliya mwatwama vyuma navikafwa visemi
MuMbimbiliya mwatwama jindongi jize najikafwa visemi vakafwe vana vavo vavakweze muukalu vali nakumona. Achitale vihande vino vyazama haMbimbiliya.
Vakweze Veji Kuhombelanga Ika? Vyuma Muka Vinahase Kuvakafwa?
Nge Mwanenu waPwevo Nahombo
When Your Teenager Self-Injures
Children and Social Media—Part 1: Should My Child Use Social Media?
Children and Social Media—Part 2: Teaching Your Teenager Social Media Safety
Children and Smartphones—Part 1: Should My Child Have a Smartphone?
Vanyike naJishinga Jajinene—Chihanda 2: Kunangula Vana Mwakuzachishila Shinga Yayinene
Mwakuhanjikila naVana Venu haChihande Chakutuma Mijimbu Yauvumbi haShinga