Mwomwo Ika Vinjiho jaYehova Kavazachishila Kulusu muKulemesa Chavoko?
Vatu vavavulu vamona kulusu kupwa chinjikizo chavaka-Kulishitu. Numba tuhu etu Vinjiho jaYehova twapwa tuvaka-Kulishitu, oloze katwazachisa kulusu mukulemesa chetuko. Mwomwo ika?
Chuma chimwe chatulingisa shina, Mbimbiliya kayasolola nge Yesu vamusukikile hakulusuko, oloze hachitondo. Kaha nawa Mbimbiliya yahuhumuna vaka-Kulishitu ngwayo: “Lihendenunga kumakombelo,” kulumbununa nge kavatela kuzachisa kulusu mukulemesa chavoko.—Wavaka-Kolinde 1, 10:14; WaYowano 1, 5:21.
Chachinenenyi Yesu ambile ngwenyi: “Vatu vosena navakatachikiza ngwavo enu mwapwa mutumbaji twami kachi nge namulizanganga mwenumwenu.” (Yowano 13:34, 35) Yesu alumbunwine ngwenyi, zangi yamwenemwene yikiko nayisolola vaka-kumukavangiza vamuchano keshi kulusu chipwe kala chifwanyisako.
Pamo Nauzanga Nawa
TONENU
Uno Kunangula Chakuzachisa Kulusu Chapwa ChamuMbimbiliya Tahi?
Vatu vavavulu vamona kulusu kupwa chinjikizo chavaka-Kulishitu. Uno Yesu vamusukikile hakulusu tahi? Uno tumbaji twaYesu vazachishilenga kulusu hakulemesa Kalunga tahi?
KUKUMBULULA VIHULA VYAKUPANDAMA KUMBIMBILIYA
Mwomwo Ika Yesu Afwililile?
Vatu vavavulu vatachikiza kunangula chakwamba ngwavo, Yesu afwile mangana tukayoye. Uno kufwa chenyi chatunganyalisa ngachilihi?