Kutala Mutu Nahase Kuseza Liuka lyaVinjiho jaYehova Tahi?
Eyo. Mutu nahase kuseza liuka lyaVinjiho jaYehova hakulinga vyuma vivali:
Hakulihanjikila ivene. Nahase kulinga ngocho kuhichila mukusoneka mukanda chipwe kuhanjika nakanwa ngwenyi, keshi nakusaka kupwa cheka Chinjiho chaYehovako.
Hakulingako vyuma vimwe. Mutu nahase kulingako vyuma vimwe vize vinahase kumulingisa ahone kulikata navandumbwenyi vamukaye kosena. (WaPetulu 1, 5:9) Chakutalilaho, nahase kuya muliuka lyeka nakulweza vaka-liuka kana ngwenyi, mwatwamanga lika muliuka kana.—WaYowano 1, 2:19.
Nyi ngachilihi nge mutu nalitwamina kwambulula chipwe kuya kukukunguluka? Kutala chinakulumbununa nge mutu kana naseze liuka lyaVinjiho jaYehova tahi?
Nduma. Kuseza liuka lyaVinjiho chipwe mutu kulifumisa ivene muchikungulwilo, chalihandununa nakuzeya kulufwelelo. Kakavulu nge mutu nazeye nakulitwamina kulemesa Kalunga kachalumbununa nge naseze lufwelelo lwenyiko, oloze eji kulinganga ngocho mwomwo yakuhomba. Muchishishisa kwechelela vatu kana, tweji kufwilanga kuvavendejeka nakuvakafwa. (Wavaka-Tesolonyika 1, 5:14; WaYuta 22) Kachi nge mutu ali nakusakiwa kumukafwa, kaha vakulwane muchikungulwilo veji kumukafwanga kushipilitu.—Wavaka-Ngalesha 6:1; WaPetulu 1, 5:1-3.
Chipwe ngocho, vakulwane muchikungulwilo kaveshi kushinjila mutu apwenga lika Chinjiho chaYehovako. Mutu himutu akwechi lisesa lyakusakwila ivene liuka atela kupwamo. (Yoshuwa 24:15) Twatachikiza ngwetu, vatu vaze veji kulemesanga Kalunga, vatela kumulemesa namuchima wavo wosena.—Samu 110:3; Mateu 22:37.
Pamo Nauzanga Nawa
JiVindiyo jaKuzachisa haKwambulula
Etu Vinjiho jaYehova Twapwa Veya?
Vatu vavavulu vasaka kutachikiza kanawa Vinjiho jaYehova. Talenu yino vindiyo mangana mutachikize mijimbu yayivulu.
VIHULA VEJI KWIHULANGA KUSWAKUMWE
Uno Vinjiho jaYehova Veji Kulihenda Kukulikata naVatu Vaze Vapwile Navo Mukwitava Tahi?
Lwola lumwe chapwa chakutamo kufumisa mutu muchikungulwilo kaha cheji kumukafwanga akinduluke kuchikungulwilo.
KUKUMBULULA VIHULA VYAKUPANDAMA KUMBIMBILIYA
Uno Mutu Atela Kupwa muLiuka lyaKwitava Tahi?
Uno mutu atela kulemesa Kalunga ukawenyi tahi?
VYAYETU
Yenu kuKukunguluka chaVinjiho jaYehova
Wanenu okwo tweji kukungulukilanga nomu tweji kulemesanga Kalunga. Kala mutu nahase kupwako kaha nawa kaveshi kufwetesa jimbongoko.