Twamona nge vatu vavavulu vaze vetava lyehi veji kwivwanga kuwaha kushimutwila mijimbu yamuMbimbiliya. Twatachikiza ngwetu mutu himutu nahase kulisakwila kala liuka lyakwitava mwasaka, kaha nawa katweshi kushinjila vatu vevwilile kumujimbu wetuko.

 Nge tuli nakushimutwila namutu uze etava lyehi, tweji kukavangiza mazu amuMbimbiliya nakushimutwila nenyi “namuchima wauvwovu” nakumusolwela “kalemesa chikuma.” (WaPetulu 1, 3:15) Twejiva vene ngwetu vatu vamwe kaveshi kwitavila mujimbu tweji kwambululangako. (Mateu 10:14) Shikaho twatela kuhanjika navo numba tutachikize vatu navasaka chipwe vaze kaveshi nakusakako. Kaha nawa twejiva ngwetu chiyoyelo chavatu cheji kwalumukanga.

 Chakutalilaho, mutu nahase kupwa namilimo chikuma likumbi limwe, oloze likumbi likwavo mwakapwa nalwola lwakwivwilila kumujimbu. Kaha nawa vatu vanahase kupwa naukalu uze nauvalingisa vasake kwivwilila kumujimbu wamuMbimbiliya. Shikaho twatela kwambulilanga vatu mapapa kakavulu.