Yesu alwezele vaka-kumukavangiza kuya nakutunga “tumbaji kuvatu vakumafuchi osena.” (Mateu 28:19, 20) Omu Yesu atumine tumbaji twenyi hakavanga, avalwezele kuya hamembo avatu. (Mateu 10:7, 11-13) Kahomu Yesu afwile, vaka-Kulishitu vamulikulukaji lyamyaka lyakulivanga vatwalilileho kutandakanyisa mujimbu “kumeso avatu vosena nakuzuvo hizuvoko.” (Vilinga 5:42; 20:20) Tweji kukavangiza chakutalilaho chavaka-Kulishitu vakulivanga, kaha twachiwana nge kwambulila kuzuvo hizuvo yapwa hijila yamwaza yakutandakanyishilamo mujimbu wamwaza.