Kutala Chapwa Chakutamo Vaka-Kulishitu Kuzachisa Jijila Jakuhonesa Lusemo Tahi?
Vyuma Yakumbulula Mbimbiliya
Yesu kalwezele vaka-kumukavangiza vapwenga navana chipwe chiku. Kaha nawa tumbaji twenyi kavalwezelenga vatu vyuma kanako. Nahamwe hauchi muMbimbiliya vahanjika hatoma ngwavo, vatu kavatela kuzachisa jijila jakuhonesa lusemoko. Mukanda Wavaka-Loma 14:12 wamba ngwawo: “Etu tuvosena mutu himutu mwakalyambulula ivene kuli Kalunga havilinga vyenyi.”
Shikaho vatu vaze valimbata vanahase kulisakwila vavene kupwa navana chipwe chiku. Kaha nawa vanahase kusakula vavene kuvula chavana vatela kupwa navo nalwola vatela kupwa navo. Ngocho, nge lunga napwevo vanasakula kuzachisa jila yakuhonesa lusemo yize kayeshi kulingisa mutu afumise lijimoko, kaha kavatela kuvahana mulongako mwomwo vavene vanalisakwila kulinga chuma kana.—Wavaka-Loma 14:4, 10-13.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Vyuma Muka Yahanjika Mbimbiliya Kutalisa Kukufumisa Lijimo?
Uno kuyoya chamutu cheji kuputukanga lwola muka? Uno Kalunga nahase kukonekela mutu uze alifumishile lijimo tahi?
VYAYETU
Lomba Vakutambukile
Shimutwilenu chihula chimwe chamuMbimbiliya chipwe kulinangula vyavivulu hali Vinjiho jaYehova.