Kalunga etavisa kulimbata chalunga napwevo vakumiyachi yakulihandununa, mwomwo amona miyachi yosena kupwa yayilemu. Mbimbiliya yamba ngwayo: “Kalunga katala vatu kumesoko.”—Vilinga 10:34, 35.

 Tutalenu jindongi jimwe jamuMbimbiliya jize jahanjika hakuhona kulimona ulumbi nahaulo.

 Vatu vosena vafuma kuli mutu watete Alama napuwenyi Eve uze vavuluka muMbimbiliya ngwavo “naye yavosena vaze navayoyanga.” (Kuputuka 3:20) Echi chikiko chalingisa Mbimbiliya yihanjike ngwayo: “Kumutu umwe aloweleko miyachi yavatu yosena.” (Vilinga 17:26) Vatu vosena vapwa tanga yimwe, chamokomoko namiyachi yavo. Nyi ngachilihi nge okwo mwatwama vatu veji kulimonga chikuma ulumbi?

 Numba tuhu Kalunga etavisa kulimbata chavatu vakumiyachi yakulihandununa, oloze vatu vamwe kavetavila vishinganyeka kanako. (Isaya 55:8, 9) Kachi nge muli nakushinganyeka kumbata chipwe kusomboka kumutu wakumuyachi weka, kaha mwatela kushimutwila hachihande kana:

•   Uno namukalinga ngachilihi nge vatu vamungalila namutanga yenu vali nakumitoleka?

•   Namukakafwa ngachilihi vana venu vakahone kukamonanga vatu ulumbi?

 ‘Kutwama punga navakwenu’ nachimikafwa mufukile muulo wenu.—Vishimo 13:10; 21:5.