Mwomwo Ika Twatela Kulomba Kuhichila muLijina lyaYesu?
Vyuma Yakumbulula Mbimbiliya
Twatela kulombanga kuli Kalunga kuhichila mulijina lyaYesu, mwomwo eyi yikiko kaha jila yize etavila Kalunga yakulombelamo kuli ikiye. Yesu ambile ngwenyi: “Ami yami jila, yami muchano, yami kuyoya. Mutu naumwe wauchi mweza kuli Tata kuvanga ahichile muli ami.” (Yowano 14:6) Yesu alwezele nawa vaposetolo jenyi vakushishika ngwenyi: “Chamuchano vene nangwamba kuli enu ngwami, kachi nge namukalomba chuma kuli Tata, mwakamihanacho mulijina lyami.”—Yowano 16:23.
Vyuma vikwavo vyatela kutulingisa tulombenga kuhichila mulijina lyaYesu
Tweji kuvumbikanga Yesu naYehova Kalunga uze apwa Ise.—Wavaka-Fwilipi 2:9-11.
Tweji kusololanga nawa ngwetu twamona ndando yakusokola yaYesu yize atuhanyine Kalunga mangana atulwile kupwa yayilemu.—Mateu 20:28; Vilinga 4:12.
Tweji kumonanga mulimo wakulipwila azata Yesu wakuwanyisa Kalunga naVatu kupwa waulemu.—WavaHepeleu 7:25.
Tweji kumonanga nawa Yesu uze apwa Kapilishitu Wakulitulaho kupwa waulemu mwomwo eji kutukafwanga tupandame kuli Kalunga.—WavaHepeleu 4:14-16.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Uno Ngwatela Kulomba Kuli Vaka-Kujila Tahi?
Linangulenu vyuma yahanjika Mbimbiliya kutalisa kuli owo twatela kulomba.
KAPOSHI KAKUTALILA
Namulomba Ngachilihi Numba Kalunga Evwilile kuKulomba Chenu?
Lombenunga kuli Kalunga kala kweshokwo muli, kaha nawa kala lwola, munahase kutambakana chipwe kulombela mumuchima. Yesu atukafwa tutachikize vyuma twatela kuhanjika.