Tengi yetu ahakileko jishimbi jahanjika haulo shimbu kanda jifulumende javatu jiputuke kutunga jishimbi javo. Mukanda wamaputukilo muMbimbiliya watulweza ngwawo: “Lunga mwakaseza ise nanaye nakukalipanjika napwevo lyenyi, kaha navakapwanga mujimba umwe.” (Kuputuka 2:24) Kweseka naVine’s Expository Dictionary of Biblical Words, lizu “pwevo” vazachisa muchiHepeleu lyalumbununa “mutu wapwevo.” Yesu ahanjikile hatoma ngwenyi vatu vaze vatela kupwa muulo shina “pwevo nalunga.”—Mateu 19:4.

 Shikaho Kalunga ajinyine ngwenyi, ulo watela kupwa wakwilila, kaha nawa valunga napwevo vatela kulizanga chikuma. Valunga napwevo vavatengele mangana valikafwe umwe namukwavo, nakulizakama, nakulihana vyasakiwa muulo nakusema vana.