Uno Wangana waKalunga Naukatesamo Vyuma Muka?
Vyuma Yakumbulula Mbimbiliya
Wangana waKalunga naukashisa jifulumende javatu josena, kaha naukayula hano hamavu hosena. (Ndanyele 2:44; Kusoloka 16:14) Nge vyuma kana vinasoloka, kaha Wangana waKalunga . . .
Naukafumisako vaka-kuhenga vaze vasaka kutulemeka. “Vaka-kuhenga navakavateta hamavu.”—Vishimo 2:22.
Naukafumisako jijita. “[Kalunga] mwakumisa jijita hamavu hosena.”—Samu 46:9.
Naukalingisa hamavu hakapwe kuunda, kaha nawa hakukingiwa. “Mutu himutu mwishi yamuvinyo wenyi, mwishi yamukuyu wenyi, kaha naumwe wauchi mwakavevwisa woma.”—Mika 4:4.
Naukalingisa mavu kupwa palachise. “Likundu nalikawahilila nakutemwina jitemo jasalafwone.”—Isaya 35:1.
Naukalingisa vatu vosena vakalivwise kuwaha kuzata milimo. “Vaze [vasakula kuli Kalunga] navakalivwisanga kuwaha milimo yamavoko avo. Kaveshi kukafulyangila chawanako.”—Isaya 65:21-23.
Naukafumisako misongo. “Mulifuchi lize kamweshi kukapwa mutu mwakamba ngwenyi: ‘Nguli nakukola.’”—Isaya 33:24.
Naukatusokola kuushinakaji. “Nyama yenyi yipwenga yayivwovu kuhambakana muze apwile haukweze wenyi. Akinduluke kumakumbi aukweze wenyi.”—Yopa 33:25.
Naukalingisa vafu vakasanguke. “Vosena vaze vali muvimbumbe navakevwa lizu lyenyi nakulovokamo.”—Yowano 5:28, 29.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Uno haMavu Nahakapwa Ngachilihi Kuunda?
Fwilenu kutachikiza omu Kalunga mwakatesamo jishiko jenyi jakuneha kuunda mukaye kosena kuzachisa Wangana wenyi.
VIHANDE VIKWAVO
Lutalililo Lwakukapwa Nakuyoya Chamwaza Kulutwe
Mwomwo ika jishiko jamuMbimbiliya jalihandunwina najishiko javatu?
ESSENTIAL BIBLE TEACHINGS
Wangana waKalunga Chuma Muka?
Omu Yesu azachilenga mulimo wakwambulula, anangwilenga chikuma hachihande chaWangana waKalunga kuhambakana vihande vyeka. Hamyaka yayivulu, vaka-kumukavangiza vanalombonga ngwavo Wangana wizenga.
KAPOSHI KAKUTALILA
Uno Wangana waKalunga Naukalinga Vyuma Muka?
Yesu atachikijile ngwenyi Wangana waKalunga ukiko kaha naukafumisako ukalu vali nakumona vatu hano hamavu. Vyuma muka unalingi Wangana waKalunga vize navimikafwa mufwelele vyuma kana?
KAPOSHI KAKUTALILA
Wangana waKalunga hiFulumende Yakuzeneka Vilinga vyaMaswekeza
Vyuma 6 vize vyasolola nge Wangana kana nauyulanga lika chakuzeneka vilinga vyamaswekeza.
VYAYETU
Lomba Vakutambukile
Shimutwilenu chihula chimwe chamuMbimbiliya chipwe kulinangula vyavivulu hali Vinjiho jaYehova.