Vatu valinangula Chikuma vatachikiza chikupu ngwavo Yesu kwapwile. Kweseka naunjiho umwe vasonekele kuli vatu valinangula vyakushikulu vamulikulukaji lyamyaka yakulivanga nalyamuchivali. Vasonekele vyuma kutalisa kuli Yesu navaka-Kulishitu vakulivanga mumukanda waEncyclopædia Britannica, 2002 ngwavo: “Mijimbu yimwe yasolola nge kushikulu vaka-kole javaka-Kulishitu, kavahuhwasanyine mujimbu wakuvuluka nge Yesu kwapwileko. Mujimbu kana vauluwanganyishile halwola lwatete kumakumishilo alikulukaji lyamyaka lyakusokesa 18, namukachi kalikulukaji lyamwaka lyakusokesa 19 nakumaputukilo alikulukaji lyamyaka lyakusokesa 20.”

 Mu 2006, mukanda waJesus and Archaeology wambile ngwawo: “Makumbi ano, kakweshi muka-kulinangula chikuma uze ali nakuhuhwasana numba nge kaYuleya vavulukilenga ngwavo Yesu kwapwileko. Vavavulu vatachikiza vyuma vimwe alingilenga navize anangwilenga.”

 Mbimbiliya yasolola hatoma ngwayo Yesu apwa mutu nahenyi. Yavuluka nawa majina avakakuluka jenyi navausoko wenyi. (Mateu 1:1; 13:55) Kaha yavuluka nawa majina avatwamina vangolo vaze vapwile nakuyula halwola ayoyelele Yesu. (Luka 3:1, 2) Mujimbu kana weji kukafwanga vaka-kuhehwojola vatachikize ngwavo mijimbu yamuMbimbiliya yapwa yakwoloka.