Hanyima ya 4026 B.C.E.

“Kapela” najinoki wuswa waYehova wakuyuula nichayuulañayi. Yehova nakani nindi wakahana “mwana” hela “lubutu” lwamba kachika kapela, Satana. (Kutachika 3:1-5, 15, tumazu twaheshina) Hela chochu, Yehova wayinka antu mpinji yakudiyuula aweni muchiyuulu chakapela.

1943 B.C.E.

Yehova namuleji Abarahama nindi “mwana” wakaniniwu wakafuma mudi anyanindi.—Kutachika 22:18.

Hanyima ya 1070 B.C.E.

Yehova namuleji Mwanta Davidi, nkumininaku nimwanindi Solomoni nindi mundonda yachisaka chawu dimwakafuma “mwana” wakaniniwu.—2 Samweli 7:12, 16; 1 Anyanta 9:3-5; Isaya 9:6, 7.

29 C.E.

Yehova namuteni Yesu nindi diyi “mwana” wakaniniwu wukekala Nswana hetanda daDavidi.—AÑalija 3:16; Luka 1:31-33; 3:21, 22.

 33 C.E.

Kapela, Satana, namukatishi chanti Yesu “mwana” wakaniniwu kuhitila mukumujaha. Yehova namusañuli Yesu nakumwinka wumi mwiwulu nawa neteji kulema kwawumi waYesu wawanina, nakwenzununa njila yakwanakena nshidi nikuyinka anyana kaAdama wumi wahaya nyaaka.—Kutachika 3:15; Yilwilu 2:32-36; 1 AKorinda 15:21, 22.

Kwakwihi na 1914 C.E.

Yesu namunatili kapela, Satana, hamaseki, nakumuhembelahu hadi kapinji kantesha.—Chimwekeshu 12:7-9, 12.

Kumbidi

Yesu namukasi Satana yaaka 1,000 kufumahu namujilumuni, nakumuchika mutu muchifwikija. Nkeñelu yaYehova yakusambila kutalisha kwiseki niantu yinashikijewi, ijina dindi anaditookeshi kukasawuntu, nawa njila yindi yakuyuulilamu anayiyiñishi.—Chimwekeshu 20:1-3, 10; 21:3, 4.