LWIHU 7
Bayibolu Yashimuna Nawudi haMafuku Itudimu?
“Muza wakanyamuka nakuzuña namuza wukwawu, wanta niwena wakanyamuka nakuzuña nawanta wukwawu . . . Yuma yejimiyi yakekala dikutachika kwayihuñu.”
“Kwakenza atuprofwetu akutwamba amavulu nawa akaluwañesha antu amavulu, nawa chineli kutama kukasweja, kukeña kwawantu amavulu kwakakeha.”
“Chimwakatiya nsañu jamajita mukamwihi nikwakulehi, bayi mwakatiya womaku; yumiyi yatela kumwekana henohu kukuma kanda kwinzi.”
“Kwakekala nyitentanshi yamaneni nankashi, nawa mumaluña ashiyashana mwakakeha yakuda nawa mwakekala yipupu; kwakamwekana yuma yakutiyisha woma nawa mwiwulu mwakafuma yinjikijilu yamaneni.”
“Mumafuku akukuminina mwakekala mpinji jakala. Muloña antu akekala akakudikeña awenawu, akeña mali, akakudinka wanta, akakuditohesha, akakasawuntu, abulaña kwovwahila anvwali, abulaña kusakilila, abula kushinshika, abula kukeña akwawu, abulaña kukeña kutiyañana nawakwawu, akakutwambila akwawu, abulaña kudiyuula, asweja kuzuwa, abula kukeña yuma yayiwahi, akakufukejela akwawu, achinchika, akakudivwimba, akeña jakuzañalesha chatela akeñi Nzambi, amwekanaña neyi amwakama Nzambi, ilaña akaanaña ñovu yaniku kwakama.”
