LWIHU 2
Munateli Kumwiluka Ñahi Nzambi?
“Iwu mukanda waNshimbi bayi wufuma mukanwa keyiku, nawa watela kuwutañaña nezu damwishina mwaana niwufuku, kulonda wulondeleña chikupu yuma yejima yasonekamu; neyi wila mwenimu, yuma yakakuwahila nawa wakelaña mwamaana.”
“Atwalekelihu kutaña nezu datiyakana nsañu yadiña mumukanda, muNshimbi jaNzambi walala, adiña nakuyilumbulula chiwahi nikulumbulula chiwahi mwatalisha mazu.
Dichi akwashili antu kutiyishisha nsañu yatañileñawu.”
“Wudi namuzañalu yowu muntu wabulaña kwenda kwesekeja namwamulejañawu antu atama . . . , ilaña watiyaña kuwaha nanshimbi jaYehova, nawa watañaña nshimbi Jindi nezu damwishina mwaana niwufuku. . . . Yuma yejima yikwilañayi yikulumbulukaña.”
“Fwilipu watemukili nakuya kwakwihi nanodu ikalu nawa wamutiyili iwu iyala nakutaña mukanda wakaprofwetu Isaya nezu datiyakana, wamwihwili nindi: ‘Nsañu yiwunakutaña, wunayiluki?’ Yena wamwakwili nindi: ‘Nateli kuyiluka ñahi chakadi muntu wakunlumbulwila?’”
“Yilwilu yindi yabulaña kumwekana, yekala hatooka kufuma tuhu mpinji yaleñeliyi iseki kuya nikumbidi, muloña yamwekenaña muyuma yaleñayi niñovu jindi jahaya nyaaka niwuNzambi windi kulonda abuli mwakuleyela.”
“Toñojokaña chikupu hayumiyi; dinkimu muyumiyi, kulonda kupama kweyi akumoneña hatooka kudi antu ejima.”
‘Tudakameneña wumu namukwawu kulonda tudisañumuni wumu namukwawu kumwekesha kukeña nikukoña nyidimu yayiwahi, bayi tujiñaña kukupompa kwetuku.’
“Neyi hakachi kenu hadi muntu wunabuli maana, atwalekihu kulomba kudi Nzambi, nawa wukumwinka, muloña wahanaña kudi antu ejima namuchima wumu chakadi kuhoshola.”
