Samweli Wamuchiyedi 22:1-51
22 Nawa Davidi wahosheli mazu anaka kamina+ kudi Yehova hefuku damupulwishiliwu kudi Yehova mumakasa awayilumbu jindi ejima+ nimuchikasa chaSawulu.+
2 Wahosheli nindi:
“Yehova diyi ilola dami, diyi mpwembu yami+ nawa diyi wampulwishaña.+
3 Nzambi yami diyi ilola dami,+ mudi yena dimunabatamaña,Diyi nkebu yami+ nawa luseñu* lwami lwawamwinu,* chiswamu chami chakiñewa*+Nawa diyi iluña dami mwakutemukila,+ diyi chamwinu chami;+ eyi wañamwinaña kundombu.
4 Namutambiki Yehova, watela kushimekewa,Nawa wukuñamwina kudi ayilumbu jami.
5 Mankanda akufwa annyeñumukili kwi-i ndo-o;+Dibaji deneni dawantu amukunkulwayi dantiyishili woma.+
6 Nyonji Yejamu* yannyeñumukili kwi-i ndo-o;+Nyihetu yakufwa yañimakeneni.+
7 Hinadiña muyihuñu namutambikili Yehova,+Natwalekelihu kumutambika Nzambi yami.
Kufumahu, yena watiyili izu dami mutembeli yindi,Nawa kudila kwami kwakukeña nami ankwashi kwashikili kumatu indi.+
8 Iseki datachikili kukanka nikunyinkesha iku niniku;+Yikuku yamawulu yazaalili+Nawa yakankili iku niniku muloña wakumuzuwisha.+
9 Wishi wakakumukili nakufuma mumazulu indi,Nawa kesi kajilumunaña kafumini mukanwa kindi;+Makala abutukileña kesi afumini kudi yena.
10 Wazembeli mawulu chakunkumukileñayi,+Nawa mwishina danyendu yindi mwadiña mwidima wasweja chikupu.+
11 Wakandamini hakerubi+ nakwinza iku nakutuuka.
Amumweni iku wudi hampuula jaspiritu.*+
12 Kufumahu, welishili mwidima kumunyeñumuka kwi-i ndo-o neyi kapundu,+Mumenji eyila bwi-i nimavu eyila bwi-i.
13 Muchejeji chadiña hambidi yindi mwafumineña makala abutukileña kesi.
14 Kuhiñahu, Yehova watachikili kudidimina mwiwulu;+Mukakubadika Chikupu welishili izu dindi kutiyakana.+
15 Wasoweli nyivu+ yindi nakuyipalañesha;Watemesheli nzaji nakuyiluwañesha.+
16 Heshina dakaluñalwiji hamwekeni;+Yikuku yetuña yashalili hatooka nakuzuwa kwaYehova,Namuuya wakuzuwa wafumini mumazulu indi.+
17 Wolweli chikasa chindi kufuma mwiwulu;Wankwatili nakunzambula mwinyiñi.+
18 Wampulwishili kudi chilumbu chami wañovu,+Kudi antu anhela, adiña nañovu kumbadika.
19 Añimakeneni hefuku dalukadi lwami,+Ilaña Yehova diyi wadiña nkwashi yami.
20 Wanleteli mwiluña dakiñewa;*+Wampulwishili muloña wantiyili kuwaha.+
21 Yehova wanlambulaña kwesekeja nakuloña kwami;+Wanfwetaña muloña makasa ami akweti ihuji wanyi.*+
22 Muloña natwalekihu kwenda munjila jaYehova,Nawa hinnakoñihu chuma chatama nakumushiya Nzambi yamiku.
23 Natoñojokaña hawunsompeshi windi wejima;+Hinamba kasenuka nakushiya nshimbi jindiku.+
24 Nakatwalekahu kwikala wakadi ihuji+ kumesu indi,Nawa hinakakoñahu chiluwaku.+
25 Yehova anfweti kwesekeja nakuloña kwami,+Kwesekeja nanochu chinnabuli muloña kumesu indi.+
26 Kudi muntu washinshika, eyi wekalaña washinshika;+Kudi muntu wañovu wakadi ihuji, eyi wekalaña wakadi ihuji;+
27 Kudi wakadi majilu, eyi wadimwekeshaña wakadi majilu,+Ilaña kudi mukakudimbana, eyi wekalaña wababala.*+
28 Muloña eyi wamwinaña antu adizoza,+Ilaña antu adinkaña wanta, wayitalaña chatama nawa wayikeheshaña.+
29 Muloña yeyi inoñu dami, eyi Yehova;+Yehova diyi wabalumunaña mwidima munidi kwikala chejeji.+
30 Nawukwashu weyi nateli kwimika mushindu chendu chawatupondu;Nañovu yaNzambi, ami nateli kukiluka mpwembu.+
31 Njila yaNzambi walala yaloña;+Mazu aYehova akutookesha.+
Hinkebu yawantu ejima aswamaña mudi yena.+
32 Kudihu Nzambi mukwawu wabadika Yehova?+
Nawa hinyi ilola wabadika Nzambi yetu?+
33 Nzambi walala diyi mpwembu yami yakola,+Nawa wakelisha njila yami kwikala yaloña.+
34 Welishaña nyendu yami kwikala neyi yambaala;Wañilishaña kwimana hayinañanaña.+
35 Wadizishaña makasa ami kuzuña njita;Makasa ami anateli kuzemba wuta wamukunji wawuneñu.
36 Wanyinkaña nkebu yeyi yawamwinu,Nawa kudizoza kweyi kwanleteshaña kwikala walema.+
37 Wantoheshelaña njila mwakwendela nyendu yami;Nyendu* yami yakaselumuka wanyi.+
38 Nakakumpisha ayilumbu jami nakuyijilumuna;Nakafunta wanyi sampu anajiyi ejima.
39 Nawa nakayijiyisha nikuyichika kulonda akabuli kunyamuka cheñi;+Akadimbukila kunyendu yami.
40 Wakanyinka ñovu yakuzuña njita;+Wakelisha ayilumbu jami kudimbukila kumesu ami.+
41 Wakelisha ayilumbu jami kuntemuka;*+Nakajilumuna* ejima anhela.+
42 Alombaña nawu ayikwashi, ilaña kwosi niwumu wayamwinaña;Amudililaña niYehova, ilaña hayakulañaku.+
43 Nakayitwa nakuyibalumuna neyi lunkuñu lwahamaseki;Nakayichika nikuyidatola neyi malowa amunyikwakwa.
44 Wakampulwisha kudi antu jami akeñakeñaña nyiloña mudi ami.+
Wakankiña kulonda nakekali nlomboli wanyuza;+Antu inabula kwiluka akankalakela.+
45 Añiinza akenza nakudibuka kudi ami;+Nsañu yatiyañawu hadi ami yakayiletesha akañovwahili.*
46 Añiinza akaleka kuhamuka;*Akenza iku anakuzaala kufuma kumaluña awu akiñewa.
47 Yehova wamumi! Ilola dami dishimekewi!+
Nzambi yelola dawamwinu wami amutuumbakeshi.+
48 Nzambi walala wantendaña;+Wovwahishaña antu kulonda añovwahileña;+
49 Wampulwishaña kudi ayilumbu jami.
Eyi wannyamunaña hewulu+ kubadika anlukukaña;Wañamwinaña kudi mukamadombu.+
50 Dichakaletesha nakakusakilili, eyi Yehova, hakachi kanyuza,+Nawa nakemba tumina twakushimeka ijina deyi:+
51 Wamwililaña mwanta windi nyidimu yamaneni yawamwinu;+Wamwekeshelaña kukeña kwakashinshi kudi windi wawayishewa,Kudi Davidi nimwanindi* haya nyaaka.”+
Tumazu twaheshina
^ Talenu Kulumbulula.
^ Hela “chamwinu chami mukañovu.”
^ Hela “kaposhi kakiñewa.”
^ Hela “Shelu,” dikwila nawu, ijamu dawantu ejima. Talenu Kulumbulula.
^ Hela “jampepela.”
^ Hela “mwiluña deneni.”
^ MuchiHeberu, “atooka.”
^ Hela hekwawu, “welaña neyi chisupi.”
^ Hela “Tupokosu.”
^ Hela “Eyi wakanyinka nyima yawayilumbu jami.”
^ MuchiHeberu, “Nakumwenesha.”
^ MuchiHeberu, “Mukutiya kweetu, akañovwahila.”
^ Hela “akazeya.”
^ MuchiHeberu, “lubutu lwindi.”
