Ansompeshi 5:1-31
5 Hanodu ifuku, Debora+ hamu niBaraki+ mwana kaAbinoyami embili aka kamina nawu:+
2 “Muloña wansuki yakadi kukasa* muIsarela,Nimuloña wawantu anakudihana,+Muhamekenu Yehova!
3 Enu anyanta, tiyililenu! Enu anyuuli, teñelekenu matu!
Nukumwimbila Yehova.
Nukumwimbila Yehova+ Nzambi yaIsarela+ tumina twakumushimeka.
4 Eyi Yehova, chiwafumini muSeyiri,+Chiwafumini mwiluña daEdomi,Iseki dakankili, nawa mawulu anokesheli nvula,Mavu anokesheli menji.
5 Mpidi jasuñunukili* kumesu aYehova,+NiSinayi kumesu aYehova,+ Nzambi yaIsarela.+
6 Mumafuku aShamigari+ mwana kaAnati,Mumafuku aYayeli,+ munyikwakwa alekeli kwendamu;Akakwenda endeleleña mutujila twatulolu.
7 Antu amunyikala muIsarela amanini;*Amanini nichinanyamukili ami Debora,+Nichinanyamukili neyi mama yawantu muIsarela.+
8 Atondeli anzambi amaha;+Kufumahu, kuyiisu kwekalili njita.+
Nkebu hela iyoña hijamwekeniku,Hakachi kawamayala 40,000 muIsarela.
9 Muchima wami wudi nawakulumpi jamashidika aIsarela,+Owu adihanini kuya hamu nawantu.+
Muhamekenu Yehova!
10 Enu akakwendela hayimbuulu yitookoloka,Enu mwashakamaña hamahina alema* amawahi,Ninenu mwendaña mumukwakwa,Toñojokenu hachumichi!
11 Mazu awakakuhana menji atiyakeni kumaluña kwatehunañawu menji;Kwenoku adiña nakuhituluka munyidimu yaYehova yaloña,Nyidimu yaloña yawantu jindi amunyikala muIsarela.
Kuhiñahu, antu jaYehova akunkumukili nakuya kuyiisu.
12 Eyi Debora,+ tonaku, tonaku!
Tonaku, tonaku, imbaku kamina!+
Eyi Baraki,+ imanaku! Eyi mwana kaAbinoyami, lombolaku ankoli jeyi!
13 Kufumahu, owu ashalili akunkumukili nakuya kudi antu alema;Antu jaYehova akunkumukili nakwinza kudi ami nakuzuña nawakañovu.
14 MuEfuremu dimwafumini antu adi muchinekineki;Anakukulondela eyi Benjamini, mukachi kawantu jeyi.
Akulumpi jamashidika akunkumukili kufuma kuMakiri,+Nawa owu asendaña mukombu wamukakwiñija antu wushidika* afumini kuZebuluni.
15 Atulamba aIsakari adiña naDebora,Chadiña Isakari, dichadiña niBaraki.+
Amutemesheli kuya hamaseki+ muchana chachinekineki.
Hakachi kamazanvu aRubeni hadiña nyichima yakujinoka chikupu.
16 Muloñadi chiwashakaminini hakachi kamapakumuna ayedi akasilañawu hachakushakamahu hachimbuulu,Nakutiyilila kudi wena chembilileñawu yimuna+ mahululu awu?
Muloña hakachi kamazanvu aRubeni hadiña nyichima yakujinoka chikupu.
17 Giliyadi washalili mwishinadi daYodani;+Nawa muloñadi Dani chashakaminineñayi najimbopolu?+
Asheri wadishakaminini hohu kuchikumu chakaluñalwiji,Nawa washalili hamaluña indi hashikenaña jimbopolu.+
18 Eni Zebuluni adiña antu ashili mawumi awu muwubanji chakwila kwashalili tuhu hanti nakufwa;NiaNafitali niwena+ chochimu kutupidi-pidi.+
19 Anyanta enjili, azuñili;Anyanta amuKenani azuñili.+MuTayanaki, kwakwihi namenji aMegido.+
Hiyasendelihu chuma chasiliva chakupuupaku.+
20 Mwiwulu tutumbwa twazuñili;Twazuñili naSisera munjila jatu.
21 Kaloña kaKishoni kakumpwili ayilumbu,+Kaloña kakushankulu, kaloña kaKishoni.
Eyi wumi* wami, wadatoleli akañovu.
22 Yikwa yatuwalu yadatoleli hesekiChatemukileña tuwalu twindi twawamayala iku tunazuwi.+
23 Kañelu kaYehova wahosheli nindi, ‘Mushiñenu Merozi,’‘Chalala, yishiñenu antu ashakamañamu,Muloña hiyenjili nakumukwasha Yehovaku,Nakumukwasha Yehova hamu nawakañovu.’
24 Yayeli+ ñoda Heberi+ mwini KeniDiyi wakiswilewa nankashi hadi ambanda;Diyi wakiswilewa nankashi hakachi kawambanda anakushakama mumatenti.
25 Sisera walombeli menji; ilaña wamwinkeli mayeli.
Wamwinkeleli mayeli adikwata*+ mucheña chakunama.
26 Yayeli wanoneli mpopu yakwitenti nachikasa chindi,Wanoneli sandu yamukawukalawenu nachikasa chindi chachidiilu.
Nawa wamupopeli Sisera, wamuchikili mutu,Nawa wamupopeli nakumuhanwisha mumbulukutu+ yindi.
27 Wadimbukilili hakachi kanyendu yaniwu mumbanda; wadimbukili nakukaama bukusu;Wadimbukilili hakachi kanyendu yaniwu mumbanda;Ohu hadimbukililiyi, dihamushindililiwu.
28 Mumbanda hakutalila hawindu,*Mama yaSisera hakusumbilila hatumapwata twahawindu,‘Muloñadi ikalu dindi chidinalabili kwinza?
Muloñadi nshindu yamakalu indi chiyinalabili ñana?’+
29 Akwawu ambanda alema akamaana amwakwileña;Eña, niyena wadakwileña nindi,
30 ‘Hadaha anakudanzañena yuma yapuupawu,Mushidika-himushidika anakumwinka kansi wamumbanda wumu,* hela atwansi awambanda ayedi,*Ihina dakupuupa dakuloomba wulombu daSisera, ihina dakupuupa dakuloomba wulombu,Chakuvwala chakubaza chiwahi chakuloomba wulombu, hela yakuvwala yiyedi yakubaza chiwahiYakuvwala munshiñu kudi akakupuupa.’
31 Dichi, eyi Yehova, ayilumbu jeyi ejima ajilumuki,+Ilaña antu akukeña ekali neyi itena dinakusela mukulema kwadu.”
Nawa hadi yaaka 40,+ mwituña himwekalilihu cheñi njitaku.*
Tumazu twaheshina
^ Hela “wamashidika akweti nsuki yakadi kukasa.”
^ Hela hekwawu, “jakankili.”
^ Hela “alekeli kwikalaku.”
^ Hela “hamakapeti.”
^ Hela hekwawu, “owu ahembaña chozelu chansoneki.”
^ Talenu Kulumbulula.
^ Hela “Wamwinkeli manteka.”
^ Hela “njanina.”
^ MuchiHeberu, “ivumu dimu.”
^ MuchiHeberu, “mavumu ayedi.”
^ Hela “mwekalili kuwunda.”
