Ezekeli 19:1-14
-
Mukeña wawanlomboli aIsarela (1-14)
19 “Wimbi mukeña* kutalisha hadi anlomboli aIsarela
2 neyi,‘Mama yeyi wadiñanyi? Wadiña mukaji wamutupa hakachi kanyitupa.
Wakaamini hakachi kanyenzi yanyitupa yakola* nawa waleleli anyanindi.
3 Wakulishilihu mwanindi wumu weyala, nawa wekalili mwenzi wamutupa wakola.+
Wadizili chakutabola kanyama,Nawa wadiileña niantu.
4 Nyuza yatiyili mpuhu yindi nawa yamukwatili mwibuku dayu,Yamukobeli nzambu+ nakumutwala kwituña daEjipitu.
5 Mama yindi wahembeleleña, nkumininaku, wamweni nindi mwenzi wamutupa wakola wukufunta wanyi.
Dichi wanonelihu mwanindi mukwawu weyala nawa wamudizishili kulonda ekali mwenzi wamutupa wakola.
6 Niyena wendeli hakachi kawanyitupa nawa wekalili mwana kamutupa* wakola.
Wadizili chakutabola kanyama, nawa wadiileña niantu.+
7 Webeli mukachi katuposhi twawu twakola nikujilumuna nyisumba yawu,Chakwila mwituña mwashalili kwamahembi mwatiyakeneña hohu kubuluma kwindi.+
8 Nyuza yamunkambi janyeñumukili yenjili kudi yena nakumutila kaleñi,Dichi yamukwatili mwibuku dayu.
9 Amukobeli nanzambu nakumusha muchuma chafwana chikalaña nawa amutwalili kudi mwanta wakuBabiloni.
Amuhembeleli kwenoku kulonda kubuluma kwindi kubuli kutiyakanahu cheñi hamapidi aIsarela.
10 Mama yeyi wadiña neyi muvinyu+ mumashi eyi,* atumbawu kwakwihi namenji.
Wasoñeli nyikaabu nawa wadiña nanyitayi yayivulu muloña wamenji amavulu.
11 Wekalili nanyitayi yakola,* yashikila munkuunyi jawanyuuli.
Wakulili nakusompoka nyitondu yikwawu,Nawa wamwekeneña muloña wadiña wawulehi nawa wadiña namafu amavulu.
12 Ilaña amubwitili+ nakumunatila hamaseki,Nawa mpepela yakumusela yoomishili nyikaabu yindi.
Nyitayi yindi yakola yahatukiliku nawa yoomini,+ kuhiñahu yasukumini nakesi.+
13 Ichi anamutumbi muchinkalampata,Mwituña doominina,+ dakadi menji.
14 Kesi kataandili kunyitayi yindi nawa kwocheli tunyitu twindi ninyikaabu yindi,Nawa hikwashalilihu mutayi wakola wankuunyi yanyuuliku.+
“‘Iwu diwu mukeña, nawa wakatwalekahu kwikala mukeña.’”
Tumazu twaheshina
^ Hela “kamina kakudila nachu.”
^ Hela “nyenzi yanyitupa yawamayala.”
^ Hela “mwenzi wamutupa.”
^ Hela hekwawu, “neyi muvinyu wudi mwitempa deyi danyivinyu.”
^ Hela “jimbwechi.”