Hagayi 1:1-15
1 Muchaaka chamuchiyedi chaMwanta Dariyusi, mukakweji kamu 6, hefuku datachi dakakweji, izu daYehova denjili kuhitila mudi kaprofwetu Hagayi*+ kudi Zerubabeli+ mwana kaSheyalitiyeli, nguvulu waYuda, nikudi Yoshuwa mwana kaYehozadaki, kapristu muneni, nawu:
2 “Yehova wamazaza nahoshi nindi, ‘Awa antu ahoshaña nawu, “Mpinji yakutuña* itala* daYehova kanda yishiki.”’”+
3 Nawa izu daYehova denjili cheñi kuhitila mudi kaprofwetu Hagayi,+ nawu:
4 “Komana ayinu diyi mpinji yakushakama mumatala enu akutuña namapulanga, iku idi itala saña dashalila kwanyilumba?+
5 Yehova wamazaza nahoshi nindi, ‘Shenu muchima* hanjila jenu.
6 Munatumbi mbutu yayivulu, ilaña munaañuli yantesha.+ Mwadaña, ilaña himwekutañaku. Mwanwaña, ilaña mpwila hiyayimanañaku. Mwavwalaña, ilaña kwosi niwumu watiyaña iyenaku. Muntu wayaña nakuzatila wufwetu, washaña wufwetu windi mwipakumuna damali dalokoka.’”
7 “Yehova wamazaza nahoshi nindi, ‘Shenu muchima* hanjila jenu.’
8 “‘Kandukenu muyi kumpidi mwakaleti mapulanga.+ Nawa mutuñi itala,+ kulonda odu itala niditiyi kuwaha nawa anlemeshi,’+ dichinahoshiyi Yehova.”
9 “‘Mwakuhweleleña yayivulu ilaña mwatambwilili yantesha; nawa chimwayileteli mwitala, nayipeepelimu.+ Muloñadi?’ dichinahoshiyi Yehova wamazaza. ‘Muloña itala dami dashala kwanyilumba, henohu wejima wenu muntu-himuntu nashi muchima hakwakamena itala dindi yomweni.+
10 Dichi mawulu hiyaleteli wuumiku, nawa iseki hidedishili yakudaku.
11 Nawa natwalekelihu kuleta chaaña hamaseki, hamapidi, hambutu, havinyu yayiha, hamanji, hayuma yamenaña hamaseki, hadi antu niayimuna nihanyidimu yejima yimwakabakeneni namakasa enu.’”
12 Zerubabeli+ mwana kaSheyalitiyeli+ niYoshuwa mwana kaYehozadaki,+ kapristu muneni, kushilahu niantu ejima atiyilili kwizu daYehova Nzambi yawu nikumazu akaprofwetu Hagayi, muloña Yehova Nzambi yawu diyi wamutemesheli. Dichi antu atachikili kutiya woma muloña waYehova.
13 Kuhiñahu Hagayi, ntemesha yaYehova, wayilejeli antu iyi nsañu kwesekeja namudimu windi wamwinkeliwu kudi Yehova, nawu: “‘Enu antu ami nidi nanenu,’+ dichinahoshiyi Yehova.”
14 Dichi Yehova wasañumwini spiritu+ yaZerubabeli mwana kaSheyalitiyeli, nguvulu wamuYuda,+ nispiritu yaYoshuwa+ mwana kaYehozadaki, kapristu muneni, nispiritu yawantu ejima. Wejima wawu enjili nakutachika kuzata mudimu wetala daYehova wamazaza, Nzambi yawu.+
15 Chumichi chamwekeni hefuku damu 24 dakakweji kamu 6, muchaaka chamuchiyedi chaMwanta Dariyusi.+
Tumazu twaheshina
^ Daya mukwila nawu, “Kuvwalikila haChawija.”
^ Hela “yakutuñulula.”
^ Hela “tembeli.”
^ Hela “Toñojokenu chikupu.”
^ Hela “Toñojokenu chikupu.”
