Hoseya 12:1-14
12 “Efuremu nakuda mpepela.
Wakumpishaña mpepela yakumusela mwaana wejima.
Wavulishaña makudi nindombu.
Atiyañanaña chitiyañenu naAsiriya,+ nawa atwalaña manji kuEjipitu.+
2 Yehova namwinki Yuda muloña;+Wukumubabesha Yakoba kwesekeja nanjila jindi,Nawa wukumufweta kwesekeja nanyidimu yindi.+
3 Hadiñayi mwivumu wamukwatili manakwindi kukatutu,+Nawa nañovu jindi walwishili naNzambi.+
4 Watwalekelihu kulwisha nakañelu nawa washindili.
Wadilili nawa walembeli nindi amutiyili luwi.”+
Wamuwanini kuBeteli, nawa wahosheli nanetu kwenoku,+
5 Yehova Nzambi wamazaza,+Yehova didu ijina dindi dakumwanuka nachu.+
6 “Dichi funtaku kudi Nzambi yeyi,+Twalekakuhu nakukeña kwakashinshi niwuñanji,+Nawa muchiñejeña Nzambi yeyi mpinji yejima.
7 Ilaña muchikasa chamukakuselujola* mudi sikelu yakutwamba;Wakeña kudiila akwawu.+
8 Efuremu wahoshaña nindi, ‘Chalala ami naheti;+Nawani maheta.+
Nawa mukukabakana kwami kwejima, hiyakawanamu chuma chatama hela nshidiku.’
9 Ilaña yami Yehova Nzambi yeyi kufuma* tuhu mwituña daEjipitu.+
Nawa nakakushakamisha cheñi mumatentiNeyi chichadiña mumafuku ampinji yatoñolawu.*
10 Nahosheli nawatuprofwetu,+Navulishili yimwenu yawu,Nawa natili yishimu kuhitila mudi atuprofwetu.
11 MuGiliyadi mwekala makudi*+ nikutwamba.
MuGiligali alambwilañamu añombi ayizamba,+Nawa tumeña twawu tudi neyi nyilumba yamalola yidi munyindoñolu.+
12 Yakoba watemukilili kwiluña* daArama;*+Kwenoku Isarela+ wazatilili mumbanda wakusumbula,+Nawa wabiñileña nyikoku kulonda asendi mumbanda.+
13 Yehova wafumishili Isarela muEjipitu kuzatisha kaprofwetu,+Nawa wamuhembeli kuzatisha kaprofwetu.+
14 Efuremu nakoñi muloña weneni;+Wukweti muloña wamashi;Nkaaka yindi wukumufweta hakasawuntu kindi.”+
Tumazu twaheshina
^ Hela “mukakulanda nakulandulula.”
^ Hela hekwawu, “ahachawija.”
^ Hela “kutachikila.”
^ Hela “yuma yakulumbisha.”
^ MuchiHeberu, “mpata.”
^ Hela “Siriya.”
