Hoseya 14:1-9
14 “Eyi Isarela, funtaku kudi Yehova Nzambi yeyi,+Wunahukani muloña wachiluwa cheyi.
2 Funtenu kudi Yehova nanawa mazu,Mumuleji nenu, ‘Twanakeni chiluwa chetu+ nawa itejaku chuma chachiwahi,Nawa tukulambula mulambu wakushimeka wakunyivumbu yetu+ neyi chitunateli kulambula anyana kañombi ayizamba.*
3 Asiriya wakatwamwina wanyi.+
Hitwakendelahu hatuwaluku,+Nawa hitwakelahu cheñi mudimu wakumakasa etu netu, “Yeyi Nzambi yetuku!”Muloña yeyi wakojejaña mwana wabula tata yindi amutiyili luwi.’+
4 Kubula kushinshika kwenu nakakuuka.+
Nakayikeña namuchima wami wejima,+Muloña kuzuwa kwami kunayifumi dehi.+
5 Nakekala neyi wuumi kudi Isarela;Wakakenuka neyi nkenuNawa nakeñija nyiji yindi heseki neyi nyitondu yakuLebanoni.
6 Nyitayi yindi yakataandala,Lubanji lwindi lwakekala neyi mutondu wamuolivi,Nawa ivumba dindi dadiwahi dakekala neyi daLebanoni.
7 Akashakama cheñi muwulelu windi.
Akatumba mbutu nawa yikakenuka neyi muvinyu.+
Mpuhu* yindi yakekala neyi vinyu yakuLebanoni.
8 Efuremu wakahosha nindi, ‘Ankishi adi cheñi namudimwinyi kudi ami?’+
Nakamwakula nikumuhemba.+
Nakekala neyi mutondu wamunjunga wunakutenkuma.
Kudi ami dikwakekala nyikaabu yeyi.”
9 Hinyi wudi namaana? Atiyi munatalishi yumiyi.
Hinyi wukweti kashinshi? Eluki yumiyi.
Muloña njila jaYehova jaloña,+Nawa aloña akendamu;Ilaña akakufumpa nshimbi akahukanamu.
Tumazu twaheshina
^ MuchiHeberu, “ninetu tukulambula anyana kañombi ayizamba anyivumbu yetu.”
^ MuchiHeberu, “Chanukishu.”
